Foto: ashyq derekkóz
Soltústik Qazaqstan oblysynda anasy úi jumysyn oryndamaǵany úshin 11 jastaǵy qyzyna pyshaq suqqan.
Bala quqyqtary jónindegi aimaqtyq ýákil Dinara Zakieva óziniń Instagram-daǵy paraqshasynda jaǵdaidyń qalai bolǵanyn aityp berdi.
"Anasy úi jumysyn oryndamaǵany úshin jáne dápterin uqypty ustamaǵany úshin kámelet jasqa tolmaǵan qyzynyń jambas býynyna pyshaq suqqan. Qyzǵa alǵashqy meditsinalyq kómek kórsetilip, qazir jaǵdaiy qanaǵattanarlyq dep baǵalandy. Bala dárigerlerdiń baqylaýynda. Jasóspirim oblystyq balalar aýrýhanasyna jatqyzylady", – dep jazdy Zakieva.
Tergeý barysynda qylmystyń qalai bolǵany anyqtalyp jatyr.
"Arnaiy komissiia quryldy. Olar oqiǵa ornyna baryp, otbasynyń jaǵdaiymen tanysty. Zardap shekken qyzdyń ata-anasy alty balany tárbielep otyr. Sondai-aq olar ata-ájesimen turady. Bul is meniń jeke baqylaýymda", – delingen jazbada.
Bolǵan jaǵdaiǵa bailanysty oqý-aǵartý ministrligi Balalardyń quqyǵyn qorǵaý komiteti pikir bildirdi.
"Qyzǵa aldaǵy ýaqytta psihologiialyq kómek kórsetiledi. Anasy basqa balalardy tárbieleýden shettetiledi", – dep málimdedi vedomstvo.
Buǵan deiin Pavlodarda stýdent muǵalimge pyshaq suqqan edi.
