فوتو: اشىق دەرەككٶز
سولتٷستٸك قازاقستان وبلىسىندا اناسى ٷي جۇمىسىن ورىنداماعانى ٷشٸن 11 جاستاعى قىزىنا پىشاق سۇققان.
بالا قۇقىقتارى جٶنٸندەگٸ ايماقتىق ۋەكٸل دينارا زاكيەۆا ٶزٸنٸڭ Instagram-داعى پاراقشاسىندا جاعدايدىڭ قالاي بولعانىن ايتىپ بەردٸ.
"اناسى ٷي جۇمىسىن ورىنداماعانى ٷشٸن جەنە دەپتەرٸن ۇقىپتى ۇستاماعانى ٷشٸن كەمەلەت جاسقا تولماعان قىزىنىڭ جامباس بۋىنىنا پىشاق سۇققان. قىزعا العاشقى مەديتسينالىق كٶمەك كٶرسەتٸلٸپ, قازٸر جاعدايى قاناعاتتانارلىق دەپ باعالاندى. بالا دەرٸگەرلەردٸڭ باقىلاۋىندا. جاسٶسپٸرٸم وبلىستىق بالالار اۋرۋحاناسىنا جاتقىزىلادى", – دەپ جازدى زاكيەۆا.
تەرگەۋ بارىسىندا قىلمىستىڭ قالاي بولعانى انىقتالىپ جاتىر.
"ارنايى كوميسسييا قۇرىلدى. ولار وقيعا ورنىنا بارىپ, وتباسىنىڭ جاعدايىمەن تانىستى. زارداپ شەككەن قىزدىڭ اتا-اناسى التى بالانى تەربيەلەپ وتىر. سونداي-اق ولار اتا-ەجەسٸمەن تۇرادى. بۇل ٸس مەنٸڭ جەكە باقىلاۋىمدا", – دەلٸنگەن جازبادا.
بولعان جاعدايعا بايلانىستى وقۋ-اعارتۋ مينيسترلٸگٸ بالالاردىڭ قۇقىعىن قورعاۋ كوميتەتٸ پٸكٸر بٸلدٸردٸ.
"قىزعا الداعى ۋاقىتتا پسيحولوگييالىق كٶمەك كٶرسەتٸلەدٸ. اناسى باسقا بالالاردى تەربيەلەۋدەن شەتتەتٸلەدٸ", – دەپ مەلٸمدەدٸ ۆەدومستۆو.
بۇعان دەيٸن پاۆلوداردا ستۋدەنت مۇعالٸمگە پىشاق سۇققان ەدٸ.
