Mýzykalyq toptyń solisi esirtkige masaiyp kólik júrgizgeni úshin bas bostandyǵynan aiyryldy, - dep habarlaidy "Ult aqparat" Polisia.kz portalyna silteme jasap.
Almaty qalasy Politsiia departamentiniń Anyqtaý basqarmasymen kólik júrgizý kýáliginen aiyryla tura, kólikti mas kúiinde basqarǵany úshin ustalǵan Álibi Muratqa qatysty QR QK-niń 346-baby 1-bóligimen qozǵalǵan qylmystyq isti tergeý aiaqtaldy.
"Tergeý barysynda byltyr qyrkúiekte Á.Murat esimdi er adam mas kúiinde kólik júrgizgen kezinde ustalǵany anyqtaldy. Sol kezde sot sheshimimen 7 jyl merzimge kólik quraldaryn basqarý quqyǵynan aiyrylyp, 15 táýlikke ákimshilik qamaýǵa alyndy. Alaida ózine tiisti qorytyndy jasamai, biyl 6 tamyzda Álibi Murat esimdi er adam taǵy da mas kúiinde kólik tizginine otyrǵan. Meditsinalyq tekserý kezinde onyń esirtkige mas ekeni anyqtaldy. Sol kúni Murattyń ústinen qylmystyq is qozǵaldy jáne qamaýǵa alyndy", – dedi Almaty qalalyq PD Anyqtaý basqarmasynyń bastyǵy Oljas Sháripov.
28 qyrkúiekte Bostandyq sotynyń úkimimen Álibi Murat QR QK-niń 346-baby 1-bóliginde kózdelgen qylmystyq quqyq buzýshylyqty jasaǵany úshin kináli dep tanylyp, oǵan ómir boiyna kólik júrgizý quqyǵynan aiyrý jáne 1 jylǵa bas bostandyǵynan aiyrý jazasy taǵaiyndaldy. Ol jazasyn eń tómengi qaýipsizdiktegi bas bostandyǵynan aiyrý oryndarynda óteitin bolady.
"Esterińizge sala keteiin, jyl basynan beri anyqtaýshylar aiaqtaǵan qylmystyq ister boiynsha, sot úkimderimen 95 adam kólik quralyn basqarý quqyǵynan ómir boiyna aiyrylǵan. Osy rette, Almaty qalalyq PD, azamattardy zań buzbaýǵa shaqyryp, mundai quqyqtan aiyryla tura, kólik quralyn mas kúiinde júrgizý qylmystyq jaýapkershilikke ákep soǵatynyn taǵy da eskertedi", – dedi Sháripov.
