مۋزىكالىق توپتىڭ سوليسٸ ەسٸرتكٸگە ماسايىپ كٶلٸك جٷرگٸزگەنٸ ٷشٸن باس بوستاندىعىنان ايىرىلدى, - دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
الماتى قالاسى پوليتسييا دەپارتامەنتٸنٸڭ انىقتاۋ باسقارماسىمەن كٶلٸك جٷرگٸزۋ كۋەلٸگٸنەن ايىرىلا تۇرا, كٶلٸكتٸ ماس كٷيٸندە باسقارعانى ٷشٸن ۇستالعان ەلٸبي مۇراتقا قاتىستى قر قك-نٸڭ 346-بابى 1-بٶلٸگٸمەن قوزعالعان قىلمىستىق ٸستٸ تەرگەۋ اياقتالدى.
"تەرگەۋ بارىسىندا بىلتىر قىركٷيەكتە ە.مۇرات ەسٸمدٸ ەر ادام ماس كٷيٸندە كٶلٸك جٷرگٸزگەن كەزٸندە ۇستالعانى انىقتالدى. سول كەزدە سوت شەشٸمٸمەن 7 جىل مەرزٸمگە كٶلٸك قۇرالدارىن باسقارۋ قۇقىعىنان ايىرىلىپ, 15 تەۋلٸككە ەكٸمشٸلٸك قاماۋعا الىندى. الايدا ٶزٸنە تيٸستٸ قورىتىندى جاساماي, بيىل 6 تامىزدا ەلٸبي مۇرات ەسٸمدٸ ەر ادام تاعى دا ماس كٷيٸندە كٶلٸك تٸزگٸنٸنە وتىرعان. مەديتسينالىق تەكسەرۋ كەزٸندە ونىڭ ەسٸرتكٸگە ماس ەكەنٸ انىقتالدى. سول كٷنٸ مۇراتتىڭ ٷستٸنەن قىلمىستىق ٸس قوزعالدى جەنە قاماۋعا الىندى", – دەدٸ الماتى قالالىق پد انىقتاۋ باسقارماسىنىڭ باستىعى ولجاس شەرٸپوۆ.
28 قىركٷيەكتە بوستاندىق سوتىنىڭ ٷكٸمٸمەن ەلٸبي مۇرات قر قك-نٸڭ 346-بابى 1-بٶلٸگٸندە كٶزدەلگەن قىلمىستىق قۇقىق بۇزۋشىلىقتى جاساعانى ٷشٸن كٸنەلٸ دەپ تانىلىپ, وعان ٶمٸر بويىنا كٶلٸك جٷرگٸزۋ قۇقىعىنان ايىرۋ جەنە 1 جىلعا باس بوستاندىعىنان ايىرۋ جازاسى تاعايىندالدى. ول جازاسىن ەڭ تٶمەنگٸ قاۋٸپسٸزدٸكتەگٸ باس بوستاندىعىنان ايىرۋ ورىندارىندا ٶتەيتٸن بولادى.
"ەستەرٸڭٸزگە سالا كەتەيٸن, جىل باسىنان بەرٸ انىقتاۋشىلار اياقتاعان قىلمىستىق ٸستەر بويىنشا, سوت ٷكٸمدەرٸمەن 95 ادام كٶلٸك قۇرالىن باسقارۋ قۇقىعىنان ٶمٸر بويىنا ايىرىلعان. وسى رەتتە, الماتى قالالىق پد, ازاماتتاردى زاڭ بۇزباۋعا شاقىرىپ, مۇنداي قۇقىقتان ايىرىلا تۇرا, كٶلٸك قۇرالىن ماس كٷيٸندە جٷرگٸزۋ قىلمىستىق جاۋاپكەرشٸلٸككە ەكەپ سوعاتىنىن تاعى دا ەسكەرتەدٸ", – دەدٸ شەرٸپوۆ.
