Qazaqstandyq animatorlar reseilik «Soiýzmýltfilm» jáne «WizartAnimation» animatsiialyq stýdiialarynda taǵylymdamadan ótedi. Bul týraly Májlis depýtattarynyń saýalyna QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy "Ult aqparat".
«Búgin elimizde animatorlardyń daiyndyǵymen T. Júrgenov atyndaǵy q azaq ulttyq óner akademiiasy men Qazaq ulttyq óner ýniversiteti ainalysady (Atalǵan joǵary oqý oryndarynda 117 bolashaq animator oqidy). T. Júrgenov atyndaǵy Qazaq ulttyq óner akademiiasynyń «animatsiialyq filmniń rejissýrasy» jáne «sýretshi-animator» mamandyqtary boiynsha oqityn stýdentteri úshin reseilik «Soiýzmýltfilm» jáne «WizartAnimation» animatsiialyq stýdiialarynda taǵylymdamadan ótý máselesi pysyqtalýda « , - dedi Eraly Toǵjanov.
Onyń aitýynsha, aldaǵy ýaqytta «Qazaqfilm» kinostýdiiasyn jańǵyrtý josparlanýda. Osy jumystar aiasynda kinostýdiiany zamanaýi kino túsirý jáne montaj jabdyqtarymen tehnikalyq jaraqtandyrý, arnaiy kólik quraldaryn satyp alý, injenerlik toraptar men ǵimarattardy kúrdeli jóndeýden ótkizý, sondai-aq túsirý alańyn salý kózdelip otyr.
«Jańǵyrtý jumystary kinostýdiianyń animatsiialyq birlestigin de qamtidy. «Kinematografiia týraly» Zańnyń 9-babyna sáikes kinoteatrlarda kórsetiletin barlyq filmder qazaq tilinde dýbliajdalýǵa, sýbtitrlenýge nemese kadr syrtyndaǵy aýdarmamen qamtamasyz etilýi tiis. Qazaq tiline aýdarylmaǵan filmderge otandyq prokatqa shyǵýǵa ruqsat berilmeidi. Jalpy depýttatyq saýalda sizder atap ótken otandyq animatsiiany damytý jónindegi usynystar memlekettik tapsyrys arqyly jasalatyn mýltfilmderdiń mazmuny men sapasyn arttyrý barysynda eskeriletin bolady», - dedi Úkimet basshysynyń orynbasary.
