قازاقستاندىق انيماتورلار رەسەيلٸك «سويۋزمۋلتفيلم» جەنە «WizartAnimation» انيماتسييالىق ستۋدييالارىندا تاعىلىمدامادان ٶتەدٸ. بۇل تۋرالى مەجلٸس دەپۋتاتتارىنىڭ ساۋالىنا قر پرەمەر-مينيسترٸنٸڭ ورىنباسارى ەرالى توعجانوۆتىڭ جاۋابىندا ايتىلعان, دەپ حابارلايدى "ۇلت اقپارات".
«بٷگٸن ەلٸمٸزدە انيماتورلاردىڭ دايىندىعىمەن ت. جٷرگەنوۆ اتىنداعى ق ازاق ۇلتتىق ٶنەر اكادەميياسى مەن قازاق ۇلتتىق ٶنەر ۋنيۆەرسيتەتٸ اينالىسادى (اتالعان جوعارى وقۋ ورىندارىندا 117 بولاشاق انيماتور وقيدى). ت. جٷرگەنوۆ اتىنداعى قازاق ۇلتتىق ٶنەر اكادەميياسىنىڭ «انيماتسييالىق فيلمنٸڭ رەجيسسۋراسى» جەنە «سۋرەتشٸ-انيماتور» ماماندىقتارى بويىنشا وقيتىن ستۋدەنتتەرٸ ٷشٸن رەسەيلٸك «سويۋزمۋلتفيلم» جەنە «WizartAnimation» انيماتسييالىق ستۋدييالارىندا تاعىلىمدامادان ٶتۋ مەسەلەسٸ پىسىقتالۋدا « , - دەدٸ ەرالى توعجانوۆ.
ونىڭ ايتۋىنشا, الداعى ۋاقىتتا «قازاقفيلم» كينوستۋديياسىن جاڭعىرتۋ جوسپارلانۋدا. وسى جۇمىستار اياسىندا كينوستۋدييانى زاماناۋي كينو تٷسٸرۋ جەنە مونتاج جابدىقتارىمەن تەحنيكالىق جاراقتاندىرۋ, ارنايى كٶلٸك قۇرالدارىن ساتىپ الۋ, ينجەنەرلٸك توراپتار مەن عيماراتتاردى كٷردەلٸ جٶندەۋدەن ٶتكٸزۋ, سونداي-اق تٷسٸرۋ الاڭىن سالۋ كٶزدەلٸپ وتىر.
«جاڭعىرتۋ جۇمىستارى كينوستۋدييانىڭ انيماتسييالىق بٸرلەستٸگٸن دە قامتيدى. «كينەماتوگرافييا تۋرالى» زاڭنىڭ 9-بابىنا سەيكەس كينوتەاترلاردا كٶرسەتٸلەتٸن بارلىق فيلمدەر قازاق تٸلٸندە دۋبلياجدالۋعا, سۋبتيترلەنۋگە نەمەسە كادر سىرتىنداعى اۋدارمامەن قامتاماسىز ەتٸلۋٸ تيٸس. قازاق تٸلٸنە اۋدارىلماعان فيلمدەرگە وتاندىق پروكاتقا شىعۋعا رۇقسات بەرٸلمەيدٸ. جالپى دەپۋتتاتىق ساۋالدا سٸزدەر اتاپ ٶتكەن وتاندىق انيماتسييانى دامىتۋ جٶنٸندەگٸ ۇسىنىستار مەملەكەتتٸك تاپسىرىس ارقىلى جاسالاتىن مۋلتفيلمدەردٸڭ مازمۇنى مەن ساپاسىن ارتتىرۋ بارىسىندا ەسكەرٸلەتٸن بولادى», - دەدٸ ٷكٸمەت باسشىسىنىڭ ورىنباسارى.
