Taldyqorǵanda jasalatyn «Kainar», «Bars», «Nomad» jáne «Vojak» degen ataýlarmen belgili otandyq akkýmýliatorlar TMD elderine, Germaniiaǵa, Polshaǵa, Qytaiǵa jáne Birikken Arab Ámirlikterine eksportqa shyǵarylady.
Bul týraly "Ult aqparat" QR Indýstriia jáne infraqurylymdyq damý ministrliginiń Telegram kanalyna silteme jasap habarlaidy.
Kásiporyn jumys istei bastaǵaly tolyqtai tehnologiialyq tsikldy jolǵa qoidy. Iaǵni, qazir eshqandai qurastyrýshy buiymdarǵa muqtaj emes. Usaq bólshekterdi quiýdan bastap daiyn akkýmýliatorlardy biteýge deiingi barlyq qajetti buiymdar men jumystar kásiporyn tsehynda jasalady.
2020 jyldyń qarasha aiynda «Qainar–AKB» zaýytynda akkýmýliator batareialary óndirisiniń jańa jelisin iske qosý saltanatty sharasy bolyp ótti. Atalǵan joba «Qainar–AKB» men Jasyl tehnologiialar men investitsiialyq jobalar halyqaralyq ortalyǵy (IGTIC) arasyndaǵy yntymaqtastyq týraly memorandým aiasynda iske asyryldy. Jańa jelini iske qosýdyń arqasynda zaýyttyń óndiristik qýaty jylyna 3,7 mln akkýmýliator shyǵarýǵa deiin artady.
Qazirgi ýaqytta zaýytta jylyna 2,5 mln. danaǵa deiin akkýmýliator batareiasy óndiriledi.
