«Atameken» ulttyq kásipkerler palatasy soǵys is-qimyldarynyń bastalýyna bailanysty Ýkrainadan shyǵa almai jatqan jáne kórshi memleketterdiń shekara mańy aimaqtarynda ornalasqan otandyq júk kólikteri týraly derekter jinaýǵa bastamashy boldy, dep habarlaidy "Ult aqparat" palatanyń baspasóz qyzmetine silteme jasap.
Qazir Ýkrainadaǵy qazaqstandyq júrgizýshiler ómirine, sonymen qatar kólik kompaniialarynyń taýardy jetkizý jáne saqtaýǵa qatysty mindettemelerine qaýip tónip tur.
«Atameken» UKP málimetinshe, qazir 24 júk kóligi Ýkrainadan shyǵa almai tur. Olardyń kóbi Kiev oblysynda turyp qalǵan, 3 kóliktiń ǵana júgi joq.
«Biz aqparatty jedel jinaý maqsatynda júrgizýshilerdiń barlyq chatyna arnaiy, salalyq qaýymdastyqtarǵa formany tarattyq. Túsken aqparatty ýákiletti organdarǵa kelgen boida jiberip jatyrmyz. Sondai-aq, vedomstvolarǵa hat joldap, qazaqstandyq tasymaldaýshylardyń Ýkraina aýmaǵynan Polsha, Belarýs Respýblikasy arqyly shyǵýy úshin «jasyl dálizdi» qamtamasyz etý máselesin Resei, Belarýs, Ýkraina, Polsha jáne basqa da taraptarmen pysyqtaýdy suraimyz», – dedi «Atameken» UKP Logistika jáne tasymaldaý departamentiniń direktory Murat Amrin.
UKP derekterdi jinaýdy jalǵastyrady.
Eger siz nemese kólik júrgizýshi Ýkrainadan shyǵa almai jatsa, deregińizdi myna nómirge joldaýdy suraimyz: 1432, +7 778-870-1432 (UKP bailanys ortalyǵy).
