Qazaqstanda júrgizýshi kýáligi men kólik quralyn tirkeý týraly kýáliktiń jańa nusqasy bekitildi, dep habarlaidy "Ult aqparat".
Qazaqstan Respýblikasy normativtik quqyqtyq aktileriniń aqparattyq-quqyqtyq júiesinde QR Ishki ister ministriniń 2019 jylǵy 2 qarashadaǵy № 953 buiryǵy jariialandy.
Qabyldanǵan qujat málimetterine qaraǵanda, júrgizýshi kýáliginde eleýli ózgerister oryn almaǵan, tek integraldyq chip (mikrosyzba) betki jaǵynan syrtqy jaǵyna qarai aýystyrylǵan.
Budan bólek, Qazaqstan Respýblikasynyń kólik quralyn tirkeý týraly kýáliktiń jańa úlgisinde aitarlyqtai ózgerister bolǵan.
Qujattyń betki jaǵynda kólik quraly týraly jáne onyń iesi týraly málimetter jazylǵan. Al kýáliktiń syrtqy jaǵynda málimetterdi engizý úshin arnaiy chip ornatylatyn bolady.
