Qazaqstandaǵy zeinetaqy júiesine reforma qajet. Ulttyq bank tóraǵasy Timýr Súleimenov osylai dep málimedi.
Reformalaý qajet ekenin aita otyryp, Súleimenov Eńbek ministrligi men Ulttyq bank esebine silteme jasady.
"Zeinetaqy júiemizge reforma qajet dep oilaimyn. Qazirgi júie ázirge búgingi kúnniń suranystaryna sai kelip tur, biraq Eńbek ministrliginiń de, Ulttyq bank esepteýleri de bolashaqta oǵan reforma qajet ekenin kórsetti", – dedi Súleimenov brifingte.
Ulttyq bank basshysynyń sózinshe, qazirgi júieniń qurylymy bolashaqta zeinetkerlerge kóp tólem alýǵa múmkindik bermeidi.
"Sol sebepti zeinetaqy júiesine reforma qajet. Qazir, jedel arada dep turǵan joqpyn, biraq bolashaqta kerek. Bizdiń uzaqmerzimdi josparymyz ózgerister qajet ekenin kórsetip tur. Ony Eńbek ministrligi de jaqsy túsinip otyr. Qarjy naryǵyndaǵy, ásirese osy ispen ainalysqan áriptester de óte jaqsy biledi", – dep tolyqtyrdy Súleimenov.
