Densaýlyq saqtaýdy damytý respýblikalyq ortalyǵy meditsinalyq joǵary oqý oryndarynyń, ǵylymi-zertteý institýttary men ǵylym jáne innovatsiia ortalyqtarynyń reitingisin qorytyndylady, dep habarlaidy "Ult aqparat" ortalyqtyń baspasóz qyzmetine silteme jasap.
Densaýlyq saqtaýdy damytý respýblikalyq ortalyǵy 2018 jyly meditsinalyq joǵary oqý oryndarynyń, ǵylymi-zertteý institýttary jáne ǵylym men innovatsiialyq ǵylymi ortalyqtardyń reitingin jasaǵan bolatyn.
«Ǵylymi uiymdardy baǵalaǵan kezde mynadai kórsetkishter eskeriledi: ǵylymi zertteýler kólemi, halyqaralyq sarapshylardyń maqalalary boiynsha jariialanymdar sany, qazaqstandyq avtorlar jumystarynyń siltemeler sany, qaýipsizdik qujattarynyń sany, ǵylymi ázirlemeler, kommertsializatsiialaý deńgeiinde alynǵan nátijelerdi jáne olardy praktikalyq densaýlyq saqtaýda engiziý, sondai-aq halyqaralyq konferentsiialarǵa qatysý» delingen habarlamada.
Meditsinalyq joǵary oqý oryndarynyń reitingisinde qyzmetkerlerdiń ǵylymi qyzmeti boiynsha birinshi oryndy Ulttyq meditsina ýniversiteti (burynǵy S. Asfendiiarov atyndaǵy Qazaq Ulttyq Meditsina Ýniversiteti) ielense, ekinshi orynǵa Qaraǵandy meditsinalyq ýniversiteti jaiǵasty. Al úshinshi orynda - Ońtústik Qazaqstan meditsinalyq akademiiasy.
Stýdentterdiń ǵylymi jumystaryna sáikes, kóshbasshy - Semei meditsina ýniversiteti, ekinshi orynǵa Batys Qazaqstan meditsina ýniversiteti laiyq dep tanyldy. Al úshinshi oryn Qaraǵandy meditsinalyq ýniversitetiniń enshisinde.
ǴZI men ǴO arasynda úzdik atanǵandar: Radiatsiialyq meditsina jáne ekologiia ǵylymi-zertteý institýty (1-oryn), Qazaq onkologiia jáne radiologiia ǵylymi-zertteý institýty (2-oryn) jáne Ulttyq ǵylymi meditsinalyq ortalyq (3-oryn).
M.Áikimbaev atyndaǵy Karantindik jáne zoonozdyq infektsiialardyń ǵylymi-zertteý ortalyǵy klinikalyq emes ǵylymi uiymdar arasynda eń úzdik dep tanyldy. Respýblikalyq densaýlyq saqtaýdy damytý ortalyǵy men QMÝ «Qoǵamdyq densaýlyq saqtaý joǵary mektebi» ekinshi jáne úshinshi oryndardy ielendi.
Aita keteiik, jyl saiyn júrgiziletin bul reitingter 2016-2019 jyldarǵa arnalǵan «Densaýlyq» densaýlyq saqtaýdy damytý memlekettik baǵdarlamasy aiasynda otandyq meditsina ǵylymy men innovatsiianyń sapasyn jáne básekege qabiletin arttyrýǵa baǵyttalǵan. Reitingtiń egjei-tegjeili nátijelerin DSDRO saitynan tabýǵa bolady.
