Premer-ministrdiń orynbasary - Qarjy ministri Erulan Jamaýbaev saiasi partiialarǵa bólinetin qarjynyń somasyn jariialady, dep habarlaidy Sputnik Qazaqstan.
Búgin Senat otyrysynan keiingi brifingte jýrnalister saiasi partiialarǵa bólinetin biýdjet qarjysy týraly surady.
"AMANAT partiiasyna jyl saiyn bir milliard dollar bólinedi degen aqparat bar. Ras pa?", - dedi tilshiler.
Ministr ol aqparatty joqqa shyǵardy. Biraq biýdjetten Májiliste otyrǵan partiialarǵa aqsha bólinetinin rastady.
"Bizde partiialardy qarjylandyrý týraly tolyq aqparat bar. Oǵan AMANAT qana emes, Májiliste otyrǵan basqa partiialar da kiredi. Naqty esep-qisap bar, zańmen bekitilgen. Osy esep-qisapqa sáikes, jańaǵy partiialarǵa qarjy bólinedi. Jalpy, barlyq partiiaǵa jyl saiyn 8 milliard teńge, jańylmasam, solai", - dep atap kórsetti ministr.
Onyń sózine qaraǵanda, bul shyǵyndardyń bári respýblikalyq biýdjette kórsetilgen.
Aita keteiik, qazirgi kezde Parlamenttiń tómengi palatasy - Májiliste úsh partiia bar. Olar - AMANAT, Qazaqstan halqy partiiasy jáne «Aq jol» QDP.
