Qazaqstannyń birneshe oblysynda mys óndiretin iri kompaniia qyzmetkerleriniń 80 paiyzy vaktsina aldy, dep habarlaidy QazAqparat.
KAZ Minerals kompaniiasynyń el aýmaǵyndaǵy barlyq óndiristik kásiporyndaryndaǵy eńbek ujymynyń 80%-y koronavirýsqa qarsy vaktsina saldyrǵan.
Bul kórsetkish boiynsha qyzmetkerler sany eń kóp óndiristik qurylym – Shyǵys Qazaqstan oblysyndaǵy «Shyǵystústimet» JShS bolyp otyr.
Onda ekpeniń eki komponentin jumysshylardyń 90,9 paiyzy (6416 adam) aldy.
«Aqtoǵai» KBK-de vaktsina saldyrǵandardyń úlesi 80%-ǵa nemese 3113 adamǵa jetti. Pavlodar oblysyndaǵy vahtalyq ádispen jumys isteitin Bozshakól kenishinde de ekpe saldyrǵandar artyp keledi. Naqty aitqanda, onda vaktsinanyń eki komponentin 2264 adam aldy. Bul - qyzmetkerlerdiń jalpy sanynyń 83 paiyzy», - delingen kompaniia taratqan málimette.
Pandemiia bastalǵaly beri kásiporyn ShQO men Pavlodar oblystaryndaǵy meditsina mekemelerin dári-dármekpen, qorǵanys quraldarymen jáne qajetti jabdyqtarmen qamtamasyz etti.
