Koronavirýs biyl jazda jeńil ári tez ótip jatyr. Alaida bir soraqysy - onyń tez juǵýynda. Bul týraly Jekenova atyndaǵy qalalyq klinikalyq juqpaly aýrýlar aýrýhanasy bas dárigeriniń orynbasary Tamara Ýtaǵanova aitty, - dep habarlaidy Tengrinews.kz agenttigi "Vechernii Almaty" basylymyna silteme jasap.
Dárigerdiń sózinshe, kovidke qarsy strategiia jáne vaktsinatsiia sekildi aldyn alý sharasy - COVID-19-dy jeńýdiń negizgi joly. Onyń sózinshe, biyl jazda koronavirýs juqtyrýdan qorqýdyń qajeti joq.
Koronavirýs mýtatsiialanǵan kezinde ókpe tinine ený qabiletinen ajyraǵan, omikron shtamy kóbine joǵarǵy tynys joldaryna áser etip, aýrýdyń aýyr aǵymyn týdyrmaidy.
"Salystyrmaly túrde byltyrǵy jáne biylǵy jazdaǵy jaǵdaidy aitaiyq. Qazir tarap jatqany - omikron. Aýrý áldeqaida jeńil ótedi. Iá, byltyrmen salystyrǵanda biyl dene qyzýy qattyraq kóteriledi.
Jedel respiratorlyq virýstyq infektsiia retinde damidy. Ókpe zaqymdanýy óte sirek jaǵdailarda baiqalady. Inkýbatsiialyq kezeń qysqarǵan, aýrý juqtyrý kóbeigen, biraq aýrýdyń ótý ýaqyty jeti kúnge deiin azaidy. Búginde kóbine ambýlatorlyq deńgeide, iaǵni úide emdelip jatyr", - dep túsindirdi dáriger.
