كوروناۆيرۋس بيىل جازدا جەڭٸل ەرٸ تەز ٶتٸپ جاتىر. الايدا بٸر سوراقىسى - ونىڭ تەز جۇعۋىندا. بۇل تۋرالى جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسى باس دەرٸگەرٸنٸڭ ورىنباسارى تامارا ۋتاعانوۆا ايتتى, - دەپ حابارلايدى Tengrinews.kz اگەنتتٸگٸ "ۆەچەرنيي الماتى" باسىلىمىنا سٸلتەمە جاساپ.
دەرٸگەردٸڭ سٶزٸنشە, كوۆيدكە قارسى ستراتەگييا جەنە ۆاكتسيناتسييا سەكٸلدٸ الدىن الۋ شاراسى - COVID-19-دى جەڭۋدٸڭ نەگٸزگٸ جولى. ونىڭ سٶزٸنشە, بيىل جازدا كوروناۆيرۋس جۇقتىرۋدان قورقۋدىڭ قاجەتٸ جوق.
كوروناۆيرۋس مۋتاتسييالانعان كەزٸندە ٶكپە تٸنٸنە ەنۋ قابٸلەتٸنەن اجىراعان, وميكرون شتامى كٶبٸنە جوعارعى تىنىس جولدارىنا ەسەر ەتٸپ, اۋرۋدىڭ اۋىر اعىمىن تۋدىرمايدى.
"سالىستىرمالى تٷردە بىلتىرعى جەنە بيىلعى جازداعى جاعدايدى ايتايىق. قازٸر تاراپ جاتقانى - وميكرون. اۋرۋ ەلدەقايدا جەڭٸل ٶتەدٸ. يە, بىلتىرمەن سالىستىرعاندا بيىل دەنە قىزۋى قاتتىراق كٶتەرٸلەدٸ.
جەدەل رەسپيراتورلىق ۆيرۋستىق ينفەكتسييا رەتٸندە داميدى. ٶكپە زاقىمدانۋى ٶتە سيرەك جاعدايلاردا بايقالادى. ينكۋباتسييالىق كەزەڭ قىسقارعان, اۋرۋ جۇقتىرۋ كٶبەيگەن, بٸراق اۋرۋدىڭ ٶتۋ ۋاقىتى جەتٸ كٷنگە دەيٸن ازايدى. بٷگٸندە كٶبٸنە امبۋلاتورلىق دەڭگەيدە, ياعني ٷيدە ەمدەلٸپ جاتىر", - دەپ تٷسٸندٸردٸ دەرٸگەر.
