Foto: ©elements.envato.com
Ulttyq statistika biýrosy málimetinshe, qazaqstandyq dámhanalar men meiramhanalardaǵy baǵa bir jylda 25 paiyzǵa ósken. Qoǵamdyq tamaqtandyrý oryndarynyń ieleri azyq-túlik baǵasynyń tez ósýine jáne qyzmetkerlerdiń jalaqysyn kóterý qajettiligine bailanysty baǵa belgilerin qaita jazýǵa ýáde berip otyr. Bul týraly KTK telearnasynyń siýjetinde aitylǵan, - dep habarlaidy Tengrinews.kz saity.
"Shyǵystardyń negizgi baptary birinshi kezekte ónim satyp alý, qyzmetkerlerdiń jalaqysy, jalǵa alý jáne kommýnaldyq tólemder. Árine, qazir ónim kem degende 30-50 paiyzǵa qymbattady. Bizde et kóp. Ónimderdiń barlyǵynda derlik, barlyq as mázirinde et bar", - dep túsindirdi qoǵamdyq tamaqtandyrý qaýymdastyǵynyń quryltaishysy Sulýshash Tuiaqova.
Onyń aitýynsha, infliatsiia qarqynyn eskersek, qoǵamdyq tamaqtaný oryndaryndaǵy baǵa taǵy 10 paiyzǵa ósýi múmkin.
Bir kún buryn Qazaqstan Prezidenti Qasym-Jomart Toqaev azyq-túlik baǵasynyń keiingi 15 jylda bolmaǵan qymbattaýy jaily aitty. Aqpanda infliatsiia jyldyq sharyqtaý shegine jetip, 21 paiyzdan asty. Qazir adamdar ailyq tabysynyń jartysynan kóbin azyq-túlikke jumsaidy.
