Aǵymdaǵy jyldyń naýryz aiynda elimizde tamaqtaný jáne úige jetkizý qyzmetin kórsetý salasynda 7,2 myń kásiporyn jumys istedi. Bul bir jyl burynǵyǵa qaraǵanda 10,8%-ǵa kóp, dep habarlaidy QazAqparat.
Kompaniialardyń kópshiligi belsendi: 3,3 myń, bir jylda 6,9%-ǵa kóbeigen. Ýaqytsha jumys istemeitin kásiporyndardyń sany da jylyna 11,1%-ǵa ósip, 2,3 myń kompaniiaǵa jetti. Jańa, áli belsendi emes kásiporyndar sany bir jylda birden 18,8%-ǵa ósip, 1,7 myń kompaniiaǵa jetkeni baiqalady.
Aǵymdaǵy jyldyń sáýir aiynda qoǵamdyq tamaqtaný qyzmeti aiyna 3,5%-ǵa, jyl basynan beri 9%-ǵa jáne jylyna 13,9%-ǵa qymbattady.
Óńirler boiynsha Mańǵystaý oblysynda bir aida baǵa aitarlyqtai ósti — 12,1%. Antiliderler úshtiginde elorda men Jambyl oblysy da bar. Elimizdiń 17 óńirinen tek Almaty, sondai-aq Almaty jáne Pavlodar oblystarynda baǵalar ózgergen joq.
Jyl saiynǵy dinamikada elorda turǵyndary (birden 36,7%-ǵa), sondai-aq Túrkistan (29%-ǵa) jáne Aqmola (22,3%-ǵa) oblystary baǵanyń ósýin qatty sezindi. Baǵanyń eń tómengi jyldyq ósýi Almatyda — jylyna 3,8%-ǵa tirkeldi.
Meiramhanada túski as aiyna – 0,2%, fastfýd — 0,9%, ashanada túski as 5,7%-ǵa qymbattady. Jyldyq dinamikada fastfýd – 11,4%-ǵa, meiramhanada túski as – 12,6%-ǵa, ashanada túski as 15,7%-ǵa ósti.
TMD elderiniń arasynda salystyrmaly túrde arzan meiramhanalar men fastfýd ortalyqtaryna barý Resei turǵyndary úshin eń qymbat bolyp tabylady. Mysaly, onda McDonalds-taǵy McMeal baǵasy – 6,1 AQSh dollary, qymbat emes meiramhanaǵa kirý – 11,3 AQSh dollary jáne eki adamǵa arnalǵan ortasha deńgeidegi meiramhanaǵa kirý 48,3 AQSh dollaryn quraidy.
Osy jyldyń naýryz aiynan bastap McDonalds Reseide jumys istemeidi, bul Resei Federatsiiasynyń Ýkrainadaǵy áskeri áreketterine bailanysty.
Reitingte Túrkimenstan, Tájikstan jáne Qyrǵyzstan boiynsha derekter joq.
Biylǵy birinshi toqsanda árbir qazaqstandyq syrtta tamaqtanýǵa orta eseppen 2,7 myń teńge jumsaǵan, bul bir jyl burynǵydan 36 paiyzǵa artyq.
2021 jyldyń tórtinshi toqsanynda syrtta tamaqtanýǵa jumsalǵan qarajat 2013-2019 jyldardaǵy «koronavirýsqa deiingi» kezeńnen áli de tómen ekeni baiqaldy.
Qazaqstandaǵy meiramhanalar men dámhanalar tutynýshylarynan aiyrylyp barady, dep habarlaidy Habar24. Pandemiiadan keiin qonaqtardyń 30%-ǵa jýyǵy qoǵamdyq tamaqtaný oryndaryna barýdy toqtatty. Buryn túski asty dámhanada nemese meiramhanada ishkendi unatatyndar endi jetkizý qyzmetin tańdaýda.
Óńirlik turǵyda 2021 jyldyń tórtinshi toqsanynda Pavlodar oblysynyń turǵyndary syrtta tamaqtanýǵa eń kóp aqsha jumsaǵan: 6,7 myń teńge – bir jyl burynǵydan 11,7%-ǵa artyq. Bul respýblikalyq kórsetkishten 2,5 esege derlik artyq.
Tamaqtaný shyǵyny eń kóp qalalardyń úshtigine Almaty (5,8 myń teńge, jylyna pliýs 40%) jáne Nur-Sultan (4,2 myń teńge, biraq jylyna minýs 15,8%) kirdi.
Saladaǵy eń tómen shyǵyndar Shymkentte belgilendi: jan basyna shaqqandaǵy 415 teńge ǵana – bir jyl burynǵydan 36,3%-ǵa, al Qazaqstan Respýblikasy boiynsha ortasha deńgeiden 6,6 ese az.
