Foto: Polisia.kz
Bas prokýratýra 2024 jyldyń qorytyndysy boiynsha Qazaqstandaǵy qylmys deńgeii joǵary qalalardy atady,- dep habarlaidy Ult.kz.
Bas prokýratýranyń Quqyqtyq statistika jáne arnaiy esepke alý jónindegi komitetiniń málimetine sáikes, jalpy qylmystyń 5,3 paiyzǵa (140 272-den 132 778-ge) tómendeýiniń oń dinamikasy baiqalǵan.
Bul rette, Mańǵystaý oblysynda 12,2 paiyzǵa (3097-den 3474-ke), Atyraý oblysynda 8,5 paiyzǵa (4283-ten 4647-ge), Pavlodar oblysynda 5,6 paiyzǵa (5039-dan 5322-ge), Qyzylorda oblysynda 4,6 paiyzǵa (2871 - 3003), Ulytaý oblysynda 2,8 paiyzǵa (1278-den 1314-ke), Almaty oblysynda 1,6 paiyzǵa (10223-ten 10385-ke) jáne Aqmola oblysynda 0,7 paiyzǵa (5084-ten 5120-ǵa) deiin ósý baiqalǵan.
"Eń kóp qylmys Almaty - 24 965 (18,8 paiyz) jáne Astana qalalarynda - 17 339 (13,1 paiyz), Almaty - 10 385 (7,8 paiyz) jáne Qaraǵandy - 7 562 (5,7 paiyz) oblystarynda jasalǵan", - delingen habarlamada.
Qylmystyq quqyq buzýshylyqtardyń jalpy sanynan 34 paiyz alaiaqtyq (45 156), 23 paiyz - urlyq (30 593), 6,3 paiyz - esirtki qylmysy (8 363), 1,2 paiyz - tonaý (1 551), 1,2 paiyz - buzaqylyq (1 615), 0,8 paiyz - mal urlyǵy (1 051), 0,4 paiyz - adam óltirý (566), 0,3 paiyz - zorlaý (421), basqa quqyq buzýshylyqtar 32,7 paiyz (43 462).
Aýyr emes qylmystar -7,6 paiyzǵa (21 826-dan 20 178-ge), aýyrlyǵy ortasha qylmystar - 16,8 paiyzǵa (58 874-ten 48 992-ge) jáne aýyr - 2,2 paiyzǵa (37 548-den 36736-ǵa) tómendegeni baiqalady.
Sondai-aq, urlyq - 28,3 paiyzǵa (42 639-dan 30 593-ke), onyń ishinde uialy telefon urlyǵy - 30,9 paiyzǵa (10 530-dan 7 273-ke), páter urlyǵy - 33,5 paiyzǵa (3 566-dan 237-ge), kólik urlyǵy - 42,2 paiyzǵa (258-den 149) aitarlyqtai tómendegen. Sondai-aq, mal urlyǵy da 30,9 paiyz (1520-dan 1 051-ge) azaiǵan.
