Qazaqstandaǵy depozitterdiń dollarlaný deńgeii bir jylda 5 paiyzǵa deiin tómendegen. Bul týraly Parlament Senatynyń otyrysynda Ulttyq bank tóraǵasynyń orynbasary Aqyljan Baimaǵambetov málim etti, dep habarlaidy "Ult aqparat".
«2019 jyly bank júiesindegi depozitter 2,5 paiyzǵa kóbeiip, 19 trln teńgege jetti. Buǵan qosa ulttyq valiýtadaǵy salymdardyń mólsheri 13,1 paiyzǵa ósip, 10,8 trln teńgeni kórsetti. Buǵan teńgemen beriletin stavkalardyń joǵarylyǵy, sonymen birge aiyrbastaý baǵamynyń turaqtyǵyly sebep bolyp otyr. Al sheteldik valiýtamen jinalǵan depozit mólsheri 8,7 paiyzǵa azaiyp, 8,2 trln teńgeni kórsetti. Osynyń arqasynda depozitterdiń dollarlanýy 43,1 paiyzǵa tómendedi. Bir jyl burynǵy bul baǵyttaǵy kórsetkish – 48,4 paiyz edi», - deidi Aqyljan Baimaǵambetov.
Ulttyq banki tóraǵasynyń orynbasary elde uzaq merzimdi nesieler 6,5 paiyzǵa ósip, 11,8 trln teńgege jetkenin, al qysqa merzimdi nesieler 2,7 paiyzdyq ósimdi kórsetip, 2,0 trln teńgege jetkenin málim etti.
