قازاقستانداعى دەپوزيتتەردٸڭ دوللارلانۋ دەڭگەيٸ بٸر جىلدا 5 پايىزعا دەيٸن تٶمەندەگەن. بۇل تۋرالى پارلامەنت سەناتىنىڭ وتىرىسىندا ۇلتتىق بانك تٶراعاسىنىڭ ورىنباسارى اقىلجان بايماعامبەتوۆ مەلٸم ەتتٸ, دەپ حابارلايدى "ۇلت اقپارات".
«2019 جىلى بانك جٷيەسٸندەگٸ دەپوزيتتەر 2,5 پايىزعا كٶبەيٸپ, 19 ترلن تەڭگەگە جەتتٸ. بۇعان قوسا ۇلتتىق ۆاليۋتاداعى سالىمداردىڭ مٶلشەرٸ 13,1 پايىزعا ٶسٸپ, 10,8 ترلن تەڭگەنٸ كٶرسەتتٸ. بۇعان تەڭگەمەن بەرٸلەتٸن ستاۆكالاردىڭ جوعارىلىعى, سونىمەن بٸرگە ايىرباستاۋ باعامىنىڭ تۇراقتىعىلى سەبەپ بولىپ وتىر. ال شەتەلدٸك ۆاليۋتامەن جينالعان دەپوزيت مٶلشەرٸ 8,7 پايىزعا ازايىپ, 8,2 ترلن تەڭگەنٸ كٶرسەتتٸ. وسىنىڭ ارقاسىندا دەپوزيتتەردٸڭ دوللارلانۋى 43,1 پايىزعا تٶمەندەدٸ. بٸر جىل بۇرىنعى بۇل باعىتتاعى كٶرسەتكٸش – 48,4 پايىز ەدٸ», - دەيدٸ اقىلجان بايماعامبەتوۆ.
ۇلتتىق بانكٸ تٶراعاسىنىڭ ورىنباسارى ەلدە ۇزاق مەرزٸمدٸ نەسيەلەر 6,5 پايىزعا ٶسٸپ, 11,8 ترلن تەڭگەگە جەتكەنٸن, ال قىسقا مەرزٸمدٸ نەسيەلەر 2,7 پايىزدىق ٶسٸمدٸ كٶرسەتٸپ, 2,0 ترلن تەڭگەگە جەتكەنٸن مەلٸم ەتتٸ.
