Qazaqstandaǵy koronavirýs pandemiiasynan qaza bolǵan azamattardy eske alýǵa bailanysty jariialanǵan Aza tutý kúnine orai Qazaqstan halqynyń qaiǵysyna ortaq ekendiginiń belgisi retinde Shanhai yntymaqtastyq uiymynyń shtab-páterinde uiymǵa múshe memleketterdiń týlary tómen túsirildi, dep habarlaidy «QazAqparat».
«Shanhai yntymaqtastyq uiymy Hatshylyǵynyń kópultty ujymy atynan jáne óz atymnan eldegi Ulttyq aza kúnine bailanysty Qazaqstan halqyna shyn júrekten kóńil aitamyn», - dep atap ótti ShYU bas hatshysy Vladimir Norov.
«Shanhai yntymaqtastyq uiymy Qazaqstan halqymen yntymaqtastyqta jáne «Shanhai rýhyn» ustana otyryp, yntymaqtastyqty jandandyrýǵa, jalpy qaterdi boldyrmaý maqsatynda pandemiiaǵa qarsy is-qimylda Qazaqstanǵa járdem kórsetýge baǵyttalǵan barlyq qajetti sharalardy qabyldaýǵa daiyn», - dedi ol.
«Qazaqstan osy synaqty jeńe alatynyna jáne indettiń taralýy toqtaitynyna nyq senim bildiremiz», - dep atap ótti bas hatshy.
ShYU - bul turaqty úkimetaralyq halyqaralyq uiym, ony 2001 jyly 15 maýsymda Shanhaida Qazaqstan, Qytai, Qyrǵyzstan, Resei, Tájikstan jáne Ózbekstan elderi qurdy. 2017 jyldyń maýsymynda Úndistan men Pákistanǵa Uiymǵa múshe memleket mártebesi berildi.
