Elimizde jylý tarifteri 17 paiyzǵa deiin ósken. Taldyqorǵanda jylý tarifteri bir jyl ishinde birden 56,5 paiyzǵa ósken, - dep habarlaidy "Ult aqparat" EnergyProm saraptama qyzmetine silteme jasap.
Mamandardyń aitýynsha, eń "qymbat" qalalar - Almaty, Qostanai jáne Shymkent. Onda jylý tarifteriniń baǵasy basqa oblystardan qaraǵanda 1, 5 ese qymbat eken.
Sondai-aq, mamandar qazaqstandyqtardyń biyl qarasha aiynda 1 gigakaloriia úshin 3722,91 teńge tólegenin aityp otyr. Bul 2015 jyldyń qarasha aiyndaǵy kórsetkishten 17 paiyzǵa kóp eken.
Elimizdegi iri qalalardyń biri Almatyda jylý tarifteriniń baǵasy 1 gigakaloriia úshin 6,04 myń teńge bolsa (byltyrǵy baǵamen salystyrǵanda 4,4 paiyzǵa qymbat), Qostanai turǵyndary1 gigakaloriia úshin 5,82 myń teńge tólegen. Shymkenttegi jylý taratý baǵasy 1 gigakaloriia úshin 5,58 myń teńge eken.
Al eń arzan baǵalar - Pavlodarda (1 gigakaloriia - 2, 23 myń teńge) jáne Astanada (1 gigakaloriia - 2,50 myń teńge).
Sonymen qatar, mamandardyń aitýynsha, Taldyqorǵanda bir jyl ishinde jylytý maýsymynyń tarifteri birden 56,5 paiyzǵa kóterilse, Kókshetaýda 34,2 paiyzǵa deiin kóterilgen. Aqtóbede de (31,2 paiyzǵa) tarif baǵasynyń joǵarylaýy baiqalady. Aqtaýda ǵana jylytý maýsymynyń tarifteri ózgerissiz qalǵan eken. Ondaǵy turǵyndar 1 gigakaloriia úshin 3,37 myń teńge tóleidi.
.jpeg)