Foto:pixabay.com
Elde órt deregi 1,3%-ke azaiyp, qyzyl jalynnan opat bolǵandar sany 13%-ke qysqardy, dep habarlaidy 24KZ. Degenmen qaýipsizdikti qaperge almaityndar áli de bar. Tilsiz jaýdyń aldyn alý qalai júrip jatyr? Eskertýdi elemeitinderge qandai shara bar?
Jyl basynan beri elde 10 myń márte órt shyqty. Onda 279 jan opat bolyp, osynshasy jaraqattandy. Ásirese jylý berý maýsymy bastalǵaly qutqarýshylardyń jarǵaq qulaǵy jastyqqa timedi. Olar kún sýytqaly 1130 márte tilsiz jaýdyń jolyn kesti. Budan bólek, eldi qaýipsizdik haqynda qulaqdar etý jumystary da qarqyndy.
Aspandiiar Saparǵaliev, QR TJM Órtke qarsy qyzmet komitetiniń bas mamany:
- 1 jeltoqsanan bastap respýblikamyzda «Órt qaýipsizdigi» ailyǵy jariialandy. Bul ailyq nege baǵyttalǵan, mynaý órtterdiń sanyn tómendetý jáne órtterden adam qaza bolý jáne jaraqattaný faktilerin aldyn alý baǵytynda qaýipsizdik ailyǵy bolyp jariialandy. Keshegi kúnniń ózinde 1500 astam turǵyn úi aralanyp, 2 myńnan astam adamǵa órt qaýipsizdigi týraly túsindirme júrgizildi.
Al biyldyqqa bas-aiaǵy 900 myńnan astam turǵyn úidiń qaýipsizdigi tekserilip, 1,5 mln adamǵa túsindirme jumystary júrgizildi.
Ásirese turmysy tómen otbasylardyń baspanalary basty nazarda.
Madiiar Myrzageldiev, Astana qalasy TJD bastyǵynyń orynbasary:
- Astana qalasynda 31 myńnan astam jeke turǵyn úi bar. Qazirgi tańda 21 myńnan astam profilaktikalyq jumystarmen qamtylǵan. 1500 astam áleýmettik osal topqa jatatyn otbasylar bar. Bul profilaktikalyq is-sharalarmen tolyq qamtylǵan. Qazirgi tańda qaitalaý jumystaryn júrgizip jatyrmyz.
Aspandiiar Saparǵaliev, QR TJM Órtke qarsy qyzmet komitetiniń bas mamany:
- Kómirqyshqyl gazyn anyqtaityn dabyl qaqqysh datchikterdi ornatý jumystary júrgizilip jatyr. Bul datchikter maýsym aiynan bastap 24 myńnan asa danasy ornatyldy. Qazirgi tańda bul datchikterdiń iske qosylý saldarynan kóptegen otbasylardyń ómirleri aman qalǵan bolatyn.
Al sinoptikter qystyń ońai bolmaitynyn aitady. Iaǵni, jylý berý maýsymy uzaqqa sozylady degen boljam bar. Bul da jyǵylǵanǵa judyryq. Jan baǵýdyń jalǵyz sheshimi – qaýipsizdik sharalaryn qaperden shyǵarmaý.
