© Photo : Pixabay / Edar
Qazaqstanda jyldyq infliatsiia 17,7%-ke jetti. Bul týraly Ulttyq bank tóraǵasy Ǵalymjan Pirmatov málimdedi, dep habarlaidy Sputnik Qazaqstan.
Onyń aitýynsha, infliatsiianyń ailyq dinamikasy biyl naýryz aiyndaǵy eń joǵary kórsetkishten tómendegenine qaramastan, ortasha jyldyq mánderden birshama asyp, jedeldei bastady.
"Oqý jylynyń offlainǵa tolyq ótýi, Reseide jariialanǵan ishinara mobilizatsiiadan keiin kórshi elden halyqtyń aǵylýy aiasynda baspanany jaldaý aqysy boiynsha, sondai-aq bilim berý qyzmeti men keńse taýarlary boiynsha sońǵy eki aida baǵanyń aitarlyqtai óskeni baiqaldy. Jyldyq mánde infliatsiia 17,7%-ke jetti", - dedi Pirmatov úkimet otyrysynda.
Infliatsiiaǵa azyq-túlik qymbatshylyǵy aitarlyqtai úles qosyp otyr. Azyq-túlik ónimderiniń infliatsiiasy jyldyq mánde 22,2%-ten asty.
Azyq-túlikke jatpaityn infliatsiia da importtyq taýarlardyń qymbattai túsýinen jáne olarǵa suranystyń joǵary bolýynan 17%-ke deiin jyldamdady. Aqyly qyzmet kórsetý infliatsiiasy 12,3%-ti qurady.
