Jyl saiyn Qazaqstanda 50 myńǵa tarta adam múmkindigi shekteýli jan retinde jańadan tirkeledi. Bul týraly Parlament Senatynda depýtattarmen kezdesý barysynda Eńbek jáne halyqty áleýmettik qorǵaý ministri Mádina Ábilqasymova málim etti, dep habarlaidy QazAqparat tilshisi.
«Búginde Qazaqstanda 670 myń múmkindigi shekteýli jan turyp jatyr. Onyń ishinde 61,9 paiyzy eńbekke qabiletti jasta, 25,4 paiyzy zeinetkerlik jastaǵy adamdar. Al 12,7 paiyzy 18 jasqa deiingi balalar. Jyl saiyn 50 myńǵa jýyq adam alǵash ret múgedek dep tanylady», - dedi M. Ábilqasymova.
Onyń sózine qaraǵanda, sońǵy jyldary alǵash ret múgedektikke shyǵý boiynsha aýrýlardyń qurylymy ózgermegen. Eresek adamdardyń arasynda qan ainalymy júiesiniń aýrýlary - 26,9 paiyzdy, qaterli isik - 19,9 paiyzdy, kez kelgen jaraqattar - 10 paiyzdy, sondai-aq balalar arasynda damýdyń týa bitken kemistigi - 32,5 paiyzdy jáne júike-júiesiniń aýrýlary 23,7 paiyzdy quraidy.
