- Qazaqstanda jyl saiyn 100 myń páter salynatyn bolady. Bul týraly búgin Ortalyq kommýnikatsiialar qyzmetindegi brifingte QR Ulttyq ekonomika ministrligi Qurylys, turǵyn úi-kommýnaldyq sharýashylyq isteri jáne jer resýrstaryn basqarý komitetiniń tóraǵasy Marhabat Jaiymbetov málim etti, dep habarlaidy Ult.kz tilshisi QazAqparat portalyna silteme jasap.
Komitet basshysy Úkimette «Nurly jer» baǵdarlamasy aiasynda jylyna qansha turǵyn úi paidalanýǵa beriletindigi jaiynda esep bar bolǵanymen atalǵan qujat áli bekitilmegendikten naqty derekterdi jariia ete almaityndyǵyn aitty.
«Biraq, shamamen jylyna 100 myń, 15 jylda 1,5 mln. páter salynatyn bolady. Máselen, ótken jyly búkil el boiynsha 78 myń páter salynǵan edi. Bul shamamen 9 mln. sharshy metr turǵyn úidi quraidy. Ol jylyna shamamen 5,6 paiyzǵa ósip otyrady. Biz ósimdi osy shekte boljap otyrmyz. Jalpy, naqty esepteri bar. Degenmen, baǵdarlama áli tolyq qabyldanbaǵandyqtan, ony jariia etpei-aq qoiaiyn», - dedi komitet basshysy.
Sonymen qatar ol elimiz boiynsha 18 turǵyn úi kombinaty salynǵanyn atap ótti.
«Olar memleket tarapynan qoldaýǵa ie bolyp otyr. Shynymen de turǵyn úi kombinattary materialdarynan salynatyn úilerdiń qurylysy jedel ári arzan bolady. Bizdiń esepteýimizshe, 20-30 paiyzǵa arzan. Al jedeldigine keler bolsaq, máselen, 5 qabatty úi 6-9 ai salynsa, turǵyn úi kombinaty materialdaryn paidalanyp, 3,4 aida úi turǵyzýǵa bolady», - dedi Jaiymbetov.
.jpeg)