Qazaqstanda jyl saiyn qyrkúiektiń ekinshi jeksenbisinde Otbasy kúni atap ótiledi. Biylǵy jyly mereke 13 qyrkúiekke dóp kelip otyr. Osyǵan orai, «Azamattarǵa arnalǵan úkimet» memlekettik korporatsiiasy «otbasylyq» eń tanymal TOP-3 qyzmet boiynsha aqparatty usynady.
Olar – balanyń týylýyn tirkeý, júktilik pen bosanýǵa bailanysty tabysynan aiyrylǵany úshin áleýmettik tólem taǵaiyndaý, balanyń dúniege kelýine jáne onyń bir jasqa deiingi kútimine járdemaqy taǵaiyndaý qyzmetteri.
Biylǵy jyldyń 8 aiynda Qazaqstannyń halyqqa qyzmet kórsetý ortalyqtary arqyly sábidiń 145 myńnan astam týý týraly kýáligi berilgen, 267 myńnan astam jas ana bala týǵany úshin bir retik jáne onyń bir jasqa tolǵanǵa deiingi kútimine tiisti járdemaqylardy alǵan, al 134 myńnan astam áielge júktiligi men bosanýyna bailanysty tabysynan aiyrylǵany úshin áleýmettik tólem taǵaiyndalǵan.
Atalǵan qyzmetterdi halyqqa qyzmet kórsetý ortalyqtarynda ǵana emes, egov.kz elektrondy úkimet portaly arqyly ETsQ kómegimen de tapsyrys berýge bolady nemese mobildi azamattar bazasynda tirkelgender proaktivti formatta SMS-habarlama arqyly ala alady.
Aita keteiik, balanyń týylýyna bailanysty proaktivti qyzmet Qazaqstanda 2017 jyldyń sońynda iske qosyldy. Bala dúniege kelgennen keiin ata-anaǵa birden quttyqtaý SMS-habarlamasy, sondai-aq sábidiń týýyn tirkeý boiynsha memlekettik qyzmetti alý týraly usynys keledi. Elektrondyq úkimettiń portaly barlyq aqparatty memlekettik organdardyń aqparattyq júielerinen alady, al jetispeitin aqparat qyzmet alýshydan SMS habarlama arqyly suratylady. Sońǵy úsh jylda 85 myńnan astam qazaqstandyq otbasy balanyń týylýyna qatysty qyzmetterdi proaktivti túrde alǵan.
Taǵy bir aqparat qosyp ótsek, jyl basynan beri 53 myńnan astam jup nekelerin egov.kz elektrondy úkimet portaly arqyly tirkegen.
