Ishki ister ministrligi Qazaqstanda júrgen sheteldikterge elde júrip-turýdy zańdastyrýdyń merzimi 5 maýsymda aiaqtalatynyn taǵy bir ret eskertti, dep habarlaidy "Ult aqparat".
«Besinshi maýsymda Qazaqstan Respýblikasynyń aýmaǵynda sheteldikterdiń ýaqytsha júrip-turý merzimi aiaqtalady. Ol pandemiiaǵa bailanysty vedomstvoaralyq komissiianyń sheshimimen 2020 jylǵy jeltoqsanda uzartylǵan bolatyn. Ishki ister organdary sheteldikterdi zańdastyrý nemese azamattyǵy bar elge kedergisiz qaitarý jóninde sharalar qoldanady, karantindik shekteýler kezeńinde adamdardyń elden ketý tártibin túsindirýdi uiymdastyrdy», - dedi Ishki ister ministriniń keńesshisi Nurdildá Oraz vedomstvonyń onlain brifinginde.
Ministrlik ókili búginge deiin 460 myń sheteldik Qazaqstanda júrip-turý zańdastyrǵanyn atady.
Politsiia olarǵa ýaqytsha turýǵa, jumysqa, otbasyn biriktirýge, oqýǵa, emdelýge ruqsat bergen. Sondai-aq, 6,5 myń adamǵa viza berilip, merzimi uzartylǵan.
«560 myń sheteldik óz elderine ketti. Sonymen qatar, Reseiden Ortalyq Aziia elderiniń 35 myń azamatynyń tranzittik sapary uiymdastyryldy», - deidi ministrdiń keńesshisi.
Eske salsaq, 2021 jylǵy 5 maýsymnan bastap sheteldikterdiń Qazaqstanda ýaqytsha júrip-turý merzimi aiaqtalady.
Osy kúnge deiin barlyq sheteldik ózi eline qaitýy kerek nemese Qazaqstanda qalýyn zańdastyryp, vizasy men yqtiiarhatynyń ýaqytyn uzartýy qajet.
«Ákimshilik jaýapkershilikke tartylmas úshin ruqsat qujattarynyń merzimi ótken nemese merzimi ótip ketken bizdiń eldegi sheteldikter quzyretti organdardaǵy ózderiniń quqyqtyq mártebesin ýaqtyly retteý úshin kóshi-qon qyzmetine júginýi qajet», - dedi Nurdildá Oraz.
