ٸشكٸ ٸستەر مينيسترلٸگٸ قازاقستاندا جٷرگەن شەتەلدٸكتەرگە ەلدە جٷرٸپ-تۇرۋدى زاڭداستىرۋدىڭ مەرزٸمٸ 5 ماۋسىمدا اياقتالاتىنىن تاعى بٸر رەت ەسكەرتتٸ, دەپ حابارلايدى "ۇلت اقپارات".
«بەسٸنشٸ ماۋسىمدا قازاقستان رەسپۋبليكاسىنىڭ اۋماعىندا شەتەلدٸكتەردٸڭ ۋاقىتشا جٷرٸپ-تۇرۋ مەرزٸمٸ اياقتالادى. ول پاندەميياعا بايلانىستى ۆەدومستۆوارالىق كوميسسييانىڭ شەشٸمٸمەن 2020 جىلعى جەلتوقساندا ۇزارتىلعان بولاتىن. ٸشكٸ ٸستەر ورگاندارى شەتەلدٸكتەردٸ زاڭداستىرۋ نەمەسە ازاماتتىعى بار ەلگە كەدەرگٸسٸز قايتارۋ جٶنٸندە شارالار قولدانادى, كارانتيندٸك شەكتەۋلەر كەزەڭٸندە ادامداردىڭ ەلدەن كەتۋ تەرتٸبٸن تٷسٸندٸرۋدٸ ۇيىمداستىردى», - دەدٸ ٸشكٸ ٸستەر مينيسترٸنٸڭ كەڭەسشٸسٸ نۇردٸلدە وراز ۆەدومستۆونىڭ ونلاين بريفينگٸندە.
مينيسترلٸك ٶكٸلٸ بٷگٸنگە دەيٸن 460 مىڭ شەتەلدٸك قازاقستاندا جٷرٸپ-تۇرۋ زاڭداستىرعانىن اتادى.
پوليتسييا ولارعا ۋاقىتشا تۇرۋعا, جۇمىسقا, وتباسىن بٸرٸكتٸرۋگە, وقۋعا, ەمدەلۋگە رۇقسات بەرگەن. سونداي-اق, 6,5 مىڭ ادامعا ۆيزا بەرٸلٸپ, مەرزٸمٸ ۇزارتىلعان.
«560 مىڭ شەتەلدٸك ٶز ەلدەرٸنە كەتتٸ. سونىمەن قاتار, رەسەيدەن ورتالىق ازييا ەلدەرٸنٸڭ 35 مىڭ ازاماتىنىڭ ترانزيتتٸك ساپارى ۇيىمداستىرىلدى», - دەيدٸ مينيستردٸڭ كەڭەسشٸسٸ.
ەسكە سالساق, 2021 جىلعى 5 ماۋسىمنان باستاپ شەتەلدٸكتەردٸڭ قازاقستاندا ۋاقىتشا جٷرٸپ-تۇرۋ مەرزٸمٸ اياقتالادى.
وسى كٷنگە دەيٸن بارلىق شەتەلدٸك ٶزٸ ەلٸنە قايتۋى كەرەك نەمەسە قازاقستاندا قالۋىن زاڭداستىرىپ, ۆيزاسى مەن ىقتييارحاتىنىڭ ۋاقىتىن ۇزارتۋى قاجەت.
«ەكٸمشٸلٸك جاۋاپكەرشٸلٸككە تارتىلماس ٷشٸن رۇقسات قۇجاتتارىنىڭ مەرزٸمٸ ٶتكەن نەمەسە مەرزٸمٸ ٶتٸپ كەتكەن بٸزدٸڭ ەلدەگٸ شەتەلدٸكتەر قۇزىرەتتٸ ورگاندارداعى ٶزدەرٸنٸڭ قۇقىقتىق مەرتەبەسٸن ۋاقتىلى رەتتەۋ ٷشٸن كٶشٸ-قون قىزمەتٸنە جٷگٸنۋٸ قاجەت», - دەدٸ نۇردٸلدە وراز.
