Qazaqstan aýmaǵynda jún óńdeitin kásiporyn salǵan kásipkerlerge 868 mln teńgege deiin sýbsidiia tólenedi. Bul týraly QR Premer-Ministri Álihan Smaiylovtyń Senat depýtattary saýalyna joldaǵan jaýabynda aitylǵan, dep habarlaidy QazAqparat.
«Qazirgi ýaqytta investitsiialyq salymdar kezinde agroónerkásiptik keshen sýbektisi shekken shyǵystardyń bir bóligin óteý boiynsha sýbsidiialaý qaǵidalary sheńberinde jańa kásiporyndardy salý jáne jumys istep turǵandaryn jańǵyrtý kezinde bylǵary jáne jún jýý kásiporyndarynyń shyǵyndaryn óteý kózdelgen.
Jún óńdeitin kásiporyndar úshin qurylys kezinde shyǵyndardy óteýdiń eń joǵary somasy 868 mln teńgeni, keńeitý kezinde – 430 mln teńgeni quraidy. Bylǵary kásiporyndary úshin bul soma 661 mln teńgeni, keńeitý kezinde – 300 mln teńgeni quraidy», - dep jazady Úkimet basshysy.
Depýtattyq saýalda shaǵyn jáne ortasha qýatty jańa óndiristerdi ashý jáne qoldanystaǵylaryn keńeitý jáne jańǵyrtý jobalaryna salynǵan investitsiiany óteý úlesin ulǵaityp, óndiristik qýattardyń eń tómengi deńgeiine qoiylatyn talaptardy áli de tómendetýdiusynǵan bolatyn.
«Óz kezeginde jún men terini tereń óńdeý kásiporyndaryna investitsiialyq salymdar kezinde shyǵystardy óteý bóliginde kórsetilgen sýbsidiialaý qaǵidalaryna ózgerister engizý boiynsha usynystar jalpy qoldaý tabady.
Teri men júndi tereń óńdeý óndirisin sýbsidiialaý, sondai-aq investitsiialyq salymdardy óteý úlesin ulǵaitý jáne óndiristik qýattardyń eń tómengi deńgeii boiynsha talaptardy tómendetý máseleleri agroónerkásiptik keshendi memlekettik qoldaýdyń tiimdiligin arttyrý jónindegi jumys tobynyń otyrystary sheńberinde qaralady», - dep jazylǵan jaýapta.
