Osy jyldyń on aiynda birinshi sanattaǵy jumyrtqanyń baǵasy 14,8%-ǵa ósti. Energyprom.kz monitoring kompaniiasynyń málimetinshe, qazan aiynda baǵa 6,3%-ǵa qymbattaǵan, dep habarlaidy Sputnik Qazaqstan.
Baǵanyń ósý qarqyny joǵary aimaqtar: Ulytaý oblysy – 19,8%-ǵa; Pavlodar oblysy – 14,7%-ǵa; Qyzylorda oblysy – 13,6%-ǵa.
Baǵanyń qymbattaýy tómen óńirler ishinde Almaty oblysy 0,4% kórsetkishimen kósh bastap tur.
Jiyrma oblystyń ishinde ailyq qarqyn boiynsha baǵa tek Almatyda ózgergen joq. Jyldyq qarqyn boiynsha jumyrtqa Qyzylorda oblysynda 52,2%-ǵa, Qostanai oblysynda 34,1%-ǵa, Batys Qazaqstan oblysynda 32,5%-ǵa qymbattady. Bul rette Almatyda baǵa, kerisinshe, 4%-ǵa, Jetisý oblysynda 0,4%-ǵa tómendedi.
Elimizde 2022 jyldyń qańtar-qyrkúiek ailarynda 3,8 milliard dana jumyrtqa óndirildi, bul bir jyl burynǵydan 5,3%-ǵa artyq.
Óńirler arasynda Soltústik Qazaqstan oblysy kósh bastap tur: 559,6 million dana jumyrtqa óndirilgen jáne bul bir jylda 40,7%-ǵa ósimdi kórsetedi. Odan keiin Aqmola (555,5 million jumyrtqa, - 7,4%) jáne Qaraǵandy (472,9 million jumyrtqa, -2%) oblystary tur.
