Qazaqstanda júk kólikterine navigatsiialyq plombalardy qoldaný keńeitiledi. Bul týraly búgin Úkimet otyrysynda QR Qarjy ministri Erulan Jamaýbaev aitty, dep habarlaidy QazAqparat.
«Memleket basshysynyń transshekaralyq saýdany baqylaýdy kúsheitý jónindegi tapsyrmasyna sáikes, Shekaradaǵy zańsyz saýda ainalymyna qarsy is-qimyl jónindegi keshendi jospar ázirlenetin bolady. Jalǵan alýshylardyń atyna taýarlardyń jalǵan tranzitin jáne jetkizilýin boldyrmaý maqsatynda avtokólik quraldaryna navigatsiialyq plombalardy qoldaný keńeitiledi», - dedi ministr.
Onyń aitýynsha, salyqtardy tóleýdiń tolyqtyǵy úshin taýarlarǵa arnalǵan elektrondyq ilespe júkqujattaryn rásimdeý jolymen importtan bastap bólshek saýdaǵa ótkizýge deiingi barlyq tizbek boiynsha baqylaý engiziledi.
«Eýraziialyq ekonomikalyq odaq elderiniń ýákiletti organdarymen taýarlardyń sany men quny týraly aqparat almasý qamtamasyz etiledi. Alkogol ónimderin tsifrlyq tańbalaý boiynsha pilottyq joba aiaqtalǵan soń, júzege asyrylady», - dedi Erulan Jamaýbaev.
