31 naýryzdan bastap Qazaqstanda aimaqtar arasynda jolaýshylar poiyzy tolyq toqtady. Bul týraly "Jolaýshylar tasymaly" kompaniiasynyń baspasóz qyzmetine silteme jasaǵan Tengrinews agenttigi habarlady. Qazir poiyzdar turaqtarǵa oralyp jatyr.
Kompaniia tótenshe jaǵdai kezinde bara almai qalǵan barlyq jolaýshylarǵa bilik qunyn qaitaryp beretinin aitty. Onlain nemese kassalar arqyly aqshany qaitarýǵa bolady. Kompaniia dereginshe, 12 naýryzdan beri shamamen 590 myń bilet qaitarylǵan.
"Jolaýshylar tasymaly" tótenshe rejimi alynǵannan keiin poiyzdar qaita júre bastaitynyn aitady.
Qazaqstanda 16 naýryzda koronavirýsqa bailanysty tótenshe jaǵdai jariialanǵan. Birneshe qala, aýdandar karantinge jabylyp, shekteý sharalary kúsheitildi. Buǵan deiin elde halyqaralyq áýe reisterdiń de toqtaityny habarlanǵan edi. Bilik 15 sáýirge deiin jariialanǵan tótenshe jaǵdai rejiminiń sozylýy múmkin ekenin aitady.
Qazaqstanda resmi derek boiynsha, 403 adamnan koronavirýs tabylǵan. 27 adam jazylǵan. 3 adam qaitys bolǵan.
