31 ناۋرىزدان باستاپ قازاقستاندا ايماقتار اراسىندا جولاۋشىلار پويىزى تولىق توقتادى. بۇل تۋرالى "جولاۋشىلار تاسىمالى" كومپانيياسىنىڭ باسپاسٶز قىزمەتٸنە سٸلتەمە جاساعان Tengrinews اگەنتتٸگٸ حابارلادى. قازٸر پويىزدار تۇراقتارعا ورالىپ جاتىر.
كومپانييا تٶتەنشە جاعداي كەزٸندە بارا الماي قالعان بارلىق جولاۋشىلارعا بيلٸك قۇنىن قايتارىپ بەرەتٸنٸن ايتتى. ونلاين نەمەسە كاسسالار ارقىلى اقشانى قايتارۋعا بولادى. كومپانييا دەرەگٸنشە, 12 ناۋرىزدان بەرٸ شامامەن 590 مىڭ بيلەت قايتارىلعان.
"جولاۋشىلار تاسىمالى" تٶتەنشە رەجيمٸ الىنعاننان كەيٸن پويىزدار قايتا جٷرە باستايتىنىن ايتادى.
قازاقستاندا 16 ناۋرىزدا كوروناۆيرۋسقا بايلانىستى تٶتەنشە جاعداي جارييالانعان. بٸرنەشە قالا, اۋداندار كارانتينگە جابىلىپ, شەكتەۋ شارالارى كٷشەيتٸلدٸ. بۇعان دەيٸن ەلدە حالىقارالىق ەۋە رەيستەردٸڭ دە توقتايتىنى حابارلانعان ەدٸ. بيلٸك 15 سەۋٸرگە دەيٸن جارييالانعان تٶتەنشە جاعداي رەجيمٸنٸڭ سوزىلۋى مٷمكٸن ەكەنٸن ايتادى.
قازاقستاندا رەسمي دەرەك بويىنشا, 403 ادامنان كوروناۆيرۋس تابىلعان. 27 ادام جازىلعان. 3 ادام قايتىس بولعان.
