Almatyda 11-14 mamyr aralyǵynda virtýaldy alańda Ortalyq Aziiadaǵy táýekeldi baǵalaý boiynsha bes eldik seminardyń alǵashqysy ótip jatyr, dep habarlaidy "Ult aqparat".
Shara «Ortalyq Aziiadaǵy qarjylyq turaqtylyqty nyǵaitý jáne apattardyń qaýpin azaitý qarqynyn jedeldetý maqsatynda jer silkinisi men sý tasqyny qaýpin biryńǵai óńirlik baǵalaý jáne jekelegen kóshkinder stsenariilerin taldaý» jobasy sheńberinde ótedi.
Seminardy Ulttyq okeanografiia jáne qoldanbaly geofizika institýty (Italiia) uiymdastyrdy.
Is-sharaǵa ǵylymi-tehnikalyq sarapshylar men tájiribelik mamandar, onyń ishinde ǵylymi-zertteý uiymdarynyń ókilderi, injenerler, aýmaqtyq josparlaý jónindegi mamandar, beiindi mekeme qyzmetkerleri jáne Qazaqstannyń kásiporyn basshylary qatysady.
Qazaqstannyń seismikalyq aýdandary shamamen 475 myń km2 alyp jatyr. Qarqyndylyǵy 6 jáne odan joǵary zilzalaǵa ushyraǵan aýdandar el aýmaǵynyń 42,9% alady.
Qazirgi ýaqytta elimizdiń seismikalyq aýdandarynda shamamen 7 mln-dai adam turady. Onyń ishinde 9 balldyq aýmaqta 2 mln adam (Almaty qalasynda – 1,8 mln), 8 balldyq aýmaqta – 1,1 mln, 7 balldyqta 2 mln jáne 6 balldyq aýmaqta 1,2 mln turady.
2017-2018 jyldary QazQSǴZI mamandary «Seismoturaqtylyǵyn zertteý maqsatynda Almaty qalasynyń jyljymaityn múlik obektilerin pasporttaý» ǵylymi jumysyn oryndady.
Nátijesinde 2017 jyly 7027 obektiniń, 2018 jyly 3131 nysannyń zilzalaǵa tózimdiligi tekserildi.
Alynǵan materialdar boiynsha Almaty qalasynyń jergilikti úilestirý júiesine obektilerdi bailanystyra otyryp, GAJ baǵdarlamasynda tekserilgen 10 525 obektilerdiń elektrondyq qujattary jasaldy.
«Pasporttaý nátijeleri seismikalyq qaýipti ǵimarattardy anyqtaýǵa, olardy seismikalyq kúsheitý nemese buzý boiynsha birinshi kezektegi obektilerdi taǵaiyndaýǵa, seismikalyq qaýipti ǵimarattardy kúsheitýge jáne eski úilerdi buzýǵa jumsalatyn shyǵyndar kólemin anyqtaýǵa múmkindik berdi. Eski úilerdi buzý, bilim berý men densaýlyq saqtaý nysandary ǵimarattarynyń seismoturaqtylyǵyn kúsheitý boiynsha qalanyń biýdjettik baǵdarlamalaryna kezektilik boiynsha túzetýler engizildi», - dep túsindirdi Shokbarov.
Seminar qorytyndysy boiynsha oǵan qatysýshylar usynylǵan ádistemelerdi ózderi qoldana alady jáne Ortalyq Aziia óńirindegi apattardyń qaýpin azaitý jónindegi qyzmetke óz úlesin qosa alady.
