- QR Ulttyq ekonomika ministrligi jer qoinaýyn paidalanýshylar úshin jańa salyqtyq jeńildikterdi engizýdi usyndy. Bul týraly búgin Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine salyq salý jáne kedendik ákimshilendirý máseleleri boiynsha ózgerister men tolyqtyrýlar engizý týraly» zań jobasy boiynsha baiandama jasaǵan QR Ulttyq ekonomika ministri Qýandyq Bishimbaev málim etti, dep habarlaidy QazAqparat.
«Zań jobasymen investitsiialyq qarjylandyrý boiynsha kommertsiialyq kórinis bolmaǵan jaǵdaida bereshekti esepten shyǵarý kezinde korporativti tabys salyǵynan bosatý qarastyrylǵan. Atalǵan zań jobasynda túzetýlerdiń tutas blogy jer qoinaýyn paidalaný máselesine bailanysty jáne óndirýshi, sondai-aq resýrstardy qaita óńdeýshi kompaniialardyń damýyna kedergi bolyp otyrǵan Salyq kodeksindegi sharalardy joiýǵa baǵyttalǵan»,-dedi ministr.
Budan buryn habarlanǵandai, «QazMunaiGaz» AQ-men strategiialyq seriktesterdi tartý jolymen jer qoinaýyn paidalaný jobalary iske asyrylýda. Strategiialyq seriktes úshin talaptardyń biri barlaý kezeńinde «QazMunaiGaz» AQ shyǵystary úlesin qarjylandyrýǵa negizdelgen.
Júzege asyrylatyn joba boiynsha kommertsiialyq óndirý bolǵan kezde strategiialyq seriktes shyǵyndarynyń úlesin qaitarý iske asyrylady. Kommertsiialyq anyqtaý bolmaǵan kezde «QazMunaiGaz» AQ somany qaitarýdy eskermeidi.
Osy rette strategiialyq seriktes «QazMunaiGaz» AQ-nyń qaryzyn keshiredi. Bul jaǵdaida «QazMunaiGaz» AQ-da bereshekti esepten shyǵarýdan kiris paida bolady jáne ol Salyq kodeksine sáikes 20 paiyz mólsherinde korporativti tabys salyǵymen qamtýǵa jatady.
Osy máseleni sheshý maqsatynda tiisti túzetýler engizý usynylyp otyr.
.jpeg)