Qazaqstanda jer qatynastaryna qatysty taǵy bes memlekettik qyzmet onlain rejimge aýystyryldy, dep habarlaidy "Ult aqparat".
Endi «Memlekettik jer kadastrynan aqparat berý», «Jer ýchaskesiniń kadastrlyq (baǵalaý) qunyn anyqtaý», «MJK AAJ grafikalyq deregimen jobalanyp otyrǵan jer ýchaskesin kelisý», «Jer ýchaskesine aktiler daiyndaý jáne berý», «Jer ýchaskesiniń sapalyq jaǵdaiy týraly aqparat berý» siiaqty memlekettik qyzmetter egov.kz elektrondy úkimet portaly arqyly qoljetimdi bolady.
Qazirgi tańda barlyq qajetti normativtik-quqyqtyq akti tiisti memlekettik organdarmen kelisilip, qyzmetter egov.kz portalynda testileýden ótip jatyr. Normativti aktiler kúshine engennen keiin kez kelgen azamat bul qyzmetterdi onlain túrde surata alady.
«Azamattarǵa arnalǵan úkimet» memlekettik korporatsiiasy basqarma tóraiymynyń orynbasary Mádi Sadanovtyń aitýynsha, jer qatynastaryna bailanysty qyzmetterdi alý qashanda qiyndyqtarymen erekshelenip kelgen.
«Jer boiynsha kórsetiletin qyzmetterdiń kóp bóligi tek qaǵaz túrinde jáne qyzmet alýshynyń memlekettik korporatsiianyń front-ofisine tikelei barýymen ǵana usynyldy. Tsifrlyq tehnologiialar dáýirinde turǵylyqty jerge bailanyp, qyzmettiń nátijesin birneshe kún, tipti birneshe apta kútý, árine, orynsyz. Sondyqtan biz jer qatynastary salasynda eń kóp suranysqa ie qyzmetterdiń kórsetilý merzimin qaita qarastyryp, barynsha azaittyq. Sonymen qatar egov.kz portaly arqyly alý múmkindigi olardy turǵylyqty jerine qaramastan álemniń kez kelgen jerinde otyryp alýǵa jol ashady. Basty talap – elektrondyq tsifrlyq qoltańbanyń bolýy», – dedi Sadanov.
Máselen, eger buryn MJK AAJ grafikalyq málimetterimen jobalanatyn jer ýchaskesin kelisý merzimi 15 kúntizbelik kún bolsa, qazir ol 7 jumys kúnine deiin, al jeke sáikestendirý qujatyn daiyndaý ýaqyty 6 jumys kúninen 4 kúnge deiin qysqardy.
Memlekettik jer kadastrynan aqparat berý merzimi 3 jumys kúninen 15 minýtqa deiin qysqardy. Barlyq bes qyzmet boiynsha da solai.
Aita keteiik, jańa qyzmetter egov.kz portalynyń «Jyljymaityn múlik» bólimindegi «Jer qatynastary» tarmaǵynda qoljetimdi bolady.
Esterińizge sala keteiik, buǵan deiin QR Prezidenti Qasym-Jomart Toqaev óz joldaýynda biznes-protsesterdi múmkindiginshe tsifrlandyrýdy tapsyrǵan bolatyn.
Aita keteiik, biylǵy 9 aida «Azamattarǵa arnalǵan úkimet» memlekettik korporatsiiasynyń front-ofisteri arqyly jer ýchaskesine 205 myńnan astam akt, jer ýchaskesiniń kadastrlyq qunyn anyqtaý boiynsha 17 myń qyzmet, memlekettik jer kadastrynan 4 myńǵa jýyq aqparat, jerdiń sapasy týraly jarty myńǵa jýyq aqparat berildi.
Sondai-aq shamamen 52 myń jer ýchaskesi kelisildi.
