قازاقستاندا جەر قاتىناستارىنا قاتىستى تاعى بەس مەملەكەتتٸك قىزمەت ونلاين رەجيمگە اۋىستىرىلدى, دەپ حابارلايدى "ۇلت اقپارات".
ەندٸ «مەملەكەتتٸك جەر كاداسترىنان اقپارات بەرۋ», «جەر ۋچاسكەسٸنٸڭ كاداسترلىق (باعالاۋ) قۇنىن انىقتاۋ», «مجك ااج گرافيكالىق دەرەگٸمەن جوبالانىپ وتىرعان جەر ۋچاسكەسٸن كەلٸسۋ», «جەر ۋچاسكەسٸنە اكتٸلەر دايىنداۋ جەنە بەرۋ», «جەر ۋچاسكەسٸنٸڭ ساپالىق جاعدايى تۋرالى اقپارات بەرۋ» سيياقتى مەملەكەتتٸك قىزمەتتەر egov.kz ەلەكتروندى ٷكٸمەت پورتالى ارقىلى قولجەتٸمدٸ بولادى.
قازٸرگٸ تاڭدا بارلىق قاجەتتٸ نورماتيۆتٸك-قۇقىقتىق اكتٸ تيٸستٸ مەملەكەتتٸك ورگاندارمەن كەلٸسٸلٸپ, قىزمەتتەر egov.kz پورتالىندا تەستٸلەۋدەن ٶتٸپ جاتىر. نورماتيۆتٸ اكتٸلەر كٷشٸنە ەنگەننەن كەيٸن كەز كەلگەن ازامات بۇل قىزمەتتەردٸ ونلاين تٷردە سۇراتا الادى.
«ازاماتتارعا ارنالعان ٷكٸمەت» مەملەكەتتٸك كورپوراتسيياسى باسقارما تٶرايىمىنىڭ ورىنباسارى مەدي سادانوۆتىڭ ايتۋىنشا, جەر قاتىناستارىنا بايلانىستى قىزمەتتەردٸ الۋ قاشاندا قيىندىقتارىمەن ەرەكشەلەنٸپ كەلگەن.
«جەر بويىنشا كٶرسەتٸلەتٸن قىزمەتتەردٸڭ كٶپ بٶلٸگٸ تەك قاعاز تٷرٸندە جەنە قىزمەت الۋشىنىڭ مەملەكەتتٸك كورپوراتسييانىڭ فرونت-وفيسٸنە تٸكەلەي بارۋىمەن عانا ۇسىنىلدى. تسيفرلىق تەحنولوگييالار دەۋٸرٸندە تۇرعىلىقتى جەرگە بايلانىپ, قىزمەتتٸڭ نەتيجەسٸن بٸرنەشە كٷن, تٸپتٸ بٸرنەشە اپتا كٷتۋ, ەرينە, ورىنسىز. سوندىقتان بٸز جەر قاتىناستارى سالاسىندا ەڭ كٶپ سۇرانىسقا يە قىزمەتتەردٸڭ كٶرسەتٸلۋ مەرزٸمٸن قايتا قاراستىرىپ, بارىنشا ازايتتىق. سونىمەن قاتار egov.kz پورتالى ارقىلى الۋ مٷمكٸندٸگٸ ولاردى تۇرعىلىقتى جەرٸنە قاراماستان ەلەمنٸڭ كەز كەلگەن جەرٸندە وتىرىپ الۋعا جول اشادى. باستى تالاپ – ەلەكتروندىق تسيفرلىق قولتاڭبانىڭ بولۋى», – دەدٸ سادانوۆ.
مەسەلەن, ەگەر بۇرىن مجك ااج گرافيكالىق مەلٸمەتتەرٸمەن جوبالاناتىن جەر ۋچاسكەسٸن كەلٸسۋ مەرزٸمٸ 15 كٷنتٸزبەلٸك كٷن بولسا, قازٸر ول 7 جۇمىس كٷنٸنە دەيٸن, ال جەكە سەيكەستەندٸرۋ قۇجاتىن دايىنداۋ ۋاقىتى 6 جۇمىس كٷنٸنەن 4 كٷنگە دەيٸن قىسقاردى.
مەملەكەتتٸك جەر كاداسترىنان اقپارات بەرۋ مەرزٸمٸ 3 جۇمىس كٷنٸنەن 15 مينۋتقا دەيٸن قىسقاردى. بارلىق بەس قىزمەت بويىنشا دا سولاي.
ايتا كەتەيٸك, جاڭا قىزمەتتەر egov.kz پورتالىنىڭ «جىلجىمايتىن مٷلٸك» بٶلٸمٸندەگٸ «جەر قاتىناستارى» تارماعىندا قولجەتٸمدٸ بولادى.
ەستەرٸڭٸزگە سالا كەتەيٸك, بۇعان دەيٸن قر پرەزيدەنتٸ قاسىم-جومارت توقاەۆ ٶز جولداۋىندا بيزنەس-پروتسەستەردٸ مٷمكٸندٸگٸنشە تسيفرلاندىرۋدى تاپسىرعان بولاتىن.
ايتا كەتەيٸك, بيىلعى 9 ايدا «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ فرونت-وفيستەرٸ ارقىلى جەر ۋچاسكەسٸنە 205 مىڭنان استام اكت, جەر ۋچاسكەسٸنٸڭ كاداسترلىق قۇنىن انىقتاۋ بويىنشا 17 مىڭ قىزمەت, مەملەكەتتٸك جەر كاداسترىنان 4 مىڭعا جۋىق اقپارات, جەردٸڭ ساپاسى تۋرالى جارتى مىڭعا جۋىق اقپارات بەرٸلدٸ.
سونداي-اق شامامەن 52 مىڭ جەر ۋچاسكەسٸ كەلٸسٸلدٸ.
