Foto: ashyq derekkóz
Uly Otan soǵysyndaǵy Jeńistiń 80 jyldyǵyna orai Qazaqstanda «Erlikke taǵzym» respýblikalyq aptalyǵy bastaldy. Bul aktsiianyń maqsaty – batyrlardyń erligin eske alý, tarihqa taǵzym etý jáne jastardy otanshyldyqqa baýlý, dep habarlaidy Ult.kz.
Igi bastama aiasynda el boiynsha jalpy 86 is-shara josparlanǵan. Onda 10 myńǵa jýyq volonter men úkimettik emes uiym ókilderi qatysady. Volonterler eskertkish aimaqtaryn abattandyryp, monýmentterdi qalpyna keltirip, eskertkish mańyn tazalaýda. Sonymen qatar ardagerlerge de kómek kórsetip jatyr.
Is-sharalar elimizdiń túrli óńirlerinde, atap aitsaq Abai, Aqmola, Qostanai jáne Atyraý oblystarynda ótip jatyr.
«Erlikke taǵzym» aptalyǵy — ardagerlerdiń erligin ulyqtap, jastardy otansúigishtikke baýlýǵa arnalǵan mańyzdy bastama. Bul bastama ótken men bolashaqtyń arasyndaǵy bailanysty nyǵaityp, qoǵamda ortaq qundylyqtar qalyptastyrady.
