Foto:elements.envato.com
Indýstriia jáne infraqurylymdyq damý vitse-ministri Marat Qarabaev Qazaqstanda jeńildetilgen avtonesieniń jańa baǵdarlamasy boiynsha qaryzdyń shekti somasy qandai ekenin aitty, - dep habarlaidy Tengrinews.kz tilshisi.
"Baǵdarlama boiynsha 10 million teńgege deiin nesie qarastyrylǵan. Al kóligińiz qymbat bolsa, 10 millionnan astam - 1-2 milliondy óz qaltańyzdan tóleisiz. Óte qymbat kólikterge jeńildetilgen avtonesie qarastyrylǵan joq", - dedi Qarabaev Ortalyq kommýnikatsiialar qyzmetinde ótken brifingte.
Ol áleýmettik jelilerde jeńildetilgen avtokólik nesieleri tek belgili bir úlgilerge ǵana beriledi degen habarlamalardy kórip qalǵanyn aitty. Onyń aitýynsha, bul jalǵan aqparat.
"Kólik nesiesi barlyq modelderge beriledi. Biraq eń qymbat úlgileri de bar. Mysaly, Hyundai Palisade siiaqty. Mundai kólikterge jeńildikpen nesie berilmeidi. Bai adamdar ózderiniń 25 million teńgesine satyp alsyn", - dedi ol.
