Biylǵy jeti aida elimizde 413 myńnan astam jeńil kólik tirkeldi, dep habarlaidy "Ult aqparat".
QR Ulttyq ekonomika ministrligi Statistika komitetiniń aqparatyna súiensek, 2020 jylǵy qańtar-shildede Qazaqstanda 413 962 jeńil avtomobil (ótken jylmen salystyrǵanda 17,5% az) tirkelgen. Sonyń ishinde:
- qoldanysta júrgenine 10 jyldan asqan kólikter sany – 251 999 (2019 jyly – 324 705);
- shyǵarylǵanyna 7-10 jyl bolǵan kólikter – 37 078 (27 056);
- shyǵarylǵanyna 3-7 jyl bolǵan kólikter – 64 086 (99 121);
- qoldanysta 3 jyldan artyq bolmaǵan kólikter – 60 715-ti (42 894) qurady.
2020 jylǵy 1 tamyzdaǵy jaǵdai boiynsha, elimizde tirkelgen barlyq jeńil kólikteriniń sany 3909,8 myńdy quraidy.
Statistikalyq málimetke sáikes, biylǵy qańtar-shildede 6270 jol-kólik oqiǵasy tirkelip, olarda 9096 adam zardap shekken. Ótken jylǵy osyndai kezeńmen salystyrǵanda apattylyq 26,9% azaidy.
2020 jylǵy 1 tamyzdaǵy jaǵdai boiynsha, kólik quraldary ielerin mindetti saqtandyrý boiynsha saqtandyrý uiymdary 16 mlrd teńge somasyna 39 400 tólem jasaǵan.
