QR Bilim jáne ǵylym ministrligi «Qarjy ortalyǵy» AQ basqarma tóraǵasy Asqar Ibraimov jan basyna shaqqandaǵy normativtik qarjylandyrý aiasynda jekemenshik mektepterdi salýǵa qatysty túsinik berdi, dep habarlaidy QazAqparat.
«Búgingi kúnde orta bilim berý salasyndaǵy mańyzdy mindetterdiń biri – júktemesi joǵary memlekettik mektepterge degen aýyrtpalyqty azaitý, sondai-aq bilim berý sapasyn arttyrý úshin tartysta mektepter arasynda básekelestikti damytý. 2018 jyldan bastap jekemenshik bilim berý uiymdarynda orta bilim berýge memlekettik bilim berý tapsyrysyn ornalastyrý múmkindigi zańdy túrde bekitildi. Jan basyna shaqqandaǵy qarjylandyrý ádistemesinde jekemenshik mektepter úshin jan basyna shaqqandaǵy normativ aiqyndaldy», - dedi A. Ibarimov.
Ádistemege sáikes jan basyna shaqqandaǵy normativtiń mólsheri eki komponentten turady, olar:
- memlekettik jalpyǵa mindetti bilim berý standartyn (MJMBS) iske asyrýǵa arnalǵan operatsiialyq shyǵystar. Jańadan iske qosylatyn jekemenshik mektepter úshin aǵymdaǵy jylǵa normativ ortasha eseppen 532 myń teńgeni quraidy.
- jylyna jańadan engizilgen árbir oqýshy orny úshin ǵimarattyń amortizatsiiasyna arnalǵan shyǵystar:
- qurylys jaǵdaiynda - 96 AEK (294 myń teńge),
- rekonstrýktsiia jasalǵan jaǵdaida - 47 AEK. (143 myń teńge).
«Onymen qosa, investordyń mektepte balaǵa jaqsartylǵan jaǵdailardy usynǵany úshin ata-ana tólemaqysyn alýǵa quqyǵy bar. Memleketten tólemder merzimi aiaqtalǵannan keiin, nysan qurylys salýshynyń menshiginde qalady. Alaida, sharttarǵa sáikes mekteptiń nysanaly maqsatyn ózgertýge shekteý 20 jyl merzimge tirkeledi», - dedi ortalyq basshysy.
Jobalarǵa qatysý úshin kapital nemese qaryz qarajatyn tartýǵa múmkindik, sondai-aq jer ýchaskesi bolý qajet.
«2019-2021 jyldary 287 jekemenshik mektep (94 696 oryndyq) ashyldy. Jalpy, elimizde jekemenshik mektepterdiń jalpy sany 408-ge jetti», - dedi ol.
Óńirler boiynsha jekemenshik mektepterdi ashýda kóshbasshylar retinde Túrkistan oblysy (56), Shymkent qalasy (52), Almaty qalasy (41), Nur-Sultan qalasy (29), Jambyl oblysy (30), Almaty oblysy (17), Qyzylorda oblysy (16), Mańǵystaý oblysy (14) jáne Aqtóbe oblysy (8) boldy.
