قر بٸلٸم جەنە عىلىم مينيسترلٸگٸ «قارجى ورتالىعى» اق باسقارما تٶراعاسى اسقار يبرايموۆ جان باسىنا شاققانداعى نورماتيۆتٸك قارجىلاندىرۋ اياسىندا جەكەمەنشٸك مەكتەپتەردٸ سالۋعا قاتىستى تٷسٸنٸك بەردٸ, دەپ حابارلايدى قازاقپارات.
«بٷگٸنگٸ كٷندە ورتا بٸلٸم بەرۋ سالاسىنداعى ماڭىزدى مٸندەتتەردٸڭ بٸرٸ – جٷكتەمەسٸ جوعارى مەملەكەتتٸك مەكتەپتەرگە دەگەن اۋىرتپالىقتى ازايتۋ, سونداي-اق بٸلٸم بەرۋ ساپاسىن ارتتىرۋ ٷشٸن تارتىستا مەكتەپتەر اراسىندا بەسەكەلەستٸكتٸ دامىتۋ. 2018 جىلدان باستاپ جەكەمەنشٸك بٸلٸم بەرۋ ۇيىمدارىندا ورتا بٸلٸم بەرۋگە مەملەكەتتٸك بٸلٸم بەرۋ تاپسىرىسىن ورنالاستىرۋ مٷمكٸندٸگٸ زاڭدى تٷردە بەكٸتٸلدٸ. جان باسىنا شاققانداعى قارجىلاندىرۋ ەدٸستەمەسٸندە جەكەمەنشٸك مەكتەپتەر ٷشٸن جان باسىنا شاققانداعى نورماتيۆ ايقىندالدى», - دەدٸ ا. يباريموۆ.
ەدٸستەمەگە سەيكەس جان باسىنا شاققانداعى نورماتيۆتٸڭ مٶلشەرٸ ەكٸ كومپونەنتتەن تۇرادى, ولار:
- مەملەكەتتٸك جالپىعا مٸندەتتٸ بٸلٸم بەرۋ ستاندارتىن (مجمبس) ٸسكە اسىرۋعا ارنالعان وپەراتسييالىق شىعىستار. جاڭادان ٸسكە قوسىلاتىن جەكەمەنشٸك مەكتەپتەر ٷشٸن اعىمداعى جىلعا نورماتيۆ ورتاشا ەسەپپەن 532 مىڭ تەڭگەنٸ قۇرايدى.
- جىلىنا جاڭادان ەنگٸزٸلگەن ەربٸر وقۋشى ورنى ٷشٸن عيماراتتىڭ امورتيزاتسيياسىنا ارنالعان شىعىستار:
- قۇرىلىس جاعدايىندا - 96 اەك (294 مىڭ تەڭگە),
- رەكونسترۋكتسييا جاسالعان جاعدايدا - 47 اەك. (143 مىڭ تەڭگە).
«ونىمەن قوسا, ينۆەستوردىڭ مەكتەپتە بالاعا جاقسارتىلعان جاعدايلاردى ۇسىنعانى ٷشٸن اتا-انا تٶلەماقىسىن الۋعا قۇقىعى بار. مەملەكەتتەن تٶلەمدەر مەرزٸمٸ اياقتالعاننان كەيٸن, نىسان قۇرىلىس سالۋشىنىڭ مەنشٸگٸندە قالادى. الايدا, شارتتارعا سەيكەس مەكتەپتٸڭ نىسانالى ماقساتىن ٶزگەرتۋگە شەكتەۋ 20 جىل مەرزٸمگە تٸركەلەدٸ», - دەدٸ ورتالىق باسشىسى.
جوبالارعا قاتىسۋ ٷشٸن كاپيتال نەمەسە قارىز قاراجاتىن تارتۋعا مٷمكٸندٸك, سونداي-اق جەر ۋچاسكەسٸ بولۋ قاجەت.
«2019-2021 جىلدارى 287 جەكەمەنشٸك مەكتەپ (94 696 ورىندىق) اشىلدى. جالپى, ەلٸمٸزدە جەكەمەنشٸك مەكتەپتەردٸڭ جالپى سانى 408-گە جەتتٸ», - دەدٸ ول.
ٶڭٸرلەر بويىنشا جەكەمەنشٸك مەكتەپتەردٸ اشۋدا كٶشباسشىلار رەتٸندە تٷركٸستان وبلىسى (56), شىمكەنت قالاسى (52), الماتى قالاسى (41), نۇر-سۇلتان قالاسى (29), جامبىل وبلىسى (30), الماتى وبلىسى (17), قىزىلوردا وبلىسى (16), ماڭعىستاۋ وبلىسى (14) جەنە اقتٶبە وبلىسى (8) بولدى.
