Foto:elements.envato.com
Qazaqstanda jastarǵa arnalǵan jeńildetilgen ipoteka baǵdarlamasyn 2025 jylǵa deiin keńeitý josparlanýda. Bul týraly premer-ministrdiń orynbasary Eraly Toǵjanov aitty, - dep habarlaidy Tengrinews.kz agenttigi.
"Ulttyq rýhani jańǵyrý" ulttyq jobasy boiynsha turǵyn úi qurylysynyń barlyq baǵdarlamasy aiasynda jas otbasylarǵa kvotanyń 25 paiyzyn engizý qarastyrylǵan. 2025 jylǵa deiin barlyq óńirde ákimdiktermen birlesip, "Otbasy bank" jeńildetilgen ipoteka baǵdarlamasyn iske qosý josparlanyp otyr. Búginde jastarǵa arnalǵan óńirlik turǵyn úi baǵdarlamasy úsh óńirde - Nur-Sultan, Almaty, Shymkentte iske asyrylyp jatyr. Jyl aiaǵyna deiin osyndai baǵdarlamalardy basqa óńirlerde de júzege asyrý josparlanýda", - dedi Toǵjanov.
Onyń aitýynsha, 2019 jyldan bastap jumys isteitin jastarǵa 7000 jaldamaly turǵyn úi berilgen, jumys isteitin jastarǵa 2025 jylǵa deiin 12 myń páter berý josparda bar.
"Jyl aiaǵyna deiin jaldamaly turǵyn úi berý erejesine jastar úshin ai saiynǵy tabysty rastaýǵa qoiylatyn talaptardy 40 AEK-ten 25 AEK-ke deiin tómendetý boiynsha ózgeris engiziledi. Bul jastardyń jalǵa beriletin turǵyn úi alý múmkindikterin aitarlyqtai arttyrady. Qazir "Otbasy bankiniń" jinaq turǵyn úi depozitterinde 25 jasqa deiingi jastardyń jalpy somasy 250 milliard teńgeden asatyn 500 myńnan asa depoziti ashylǵan", - dep tolyqtyrdy vitse-premer.
