فوتو:elements.envato.com
قازاقستاندا جاستارعا ارنالعان جەڭٸلدەتٸلگەن يپوتەكا باعدارلاماسىن 2025 جىلعا دەيٸن كەڭەيتۋ جوسپارلانۋدا. بۇل تۋرالى پرەمەر-مينيستردٸڭ ورىنباسارى ەرالى توعجانوۆ ايتتى, - دەپ حابارلايدى Tengrinews.kz اگەنتتٸگٸ.
"ۇلتتىق رۋحاني جاڭعىرۋ" ۇلتتىق جوباسى بويىنشا تۇرعىن ٷي قۇرىلىسىنىڭ بارلىق باعدارلاماسى اياسىندا جاس وتباسىلارعا كۆوتانىڭ 25 پايىزىن ەنگٸزۋ قاراستىرىلعان. 2025 جىلعا دەيٸن بارلىق ٶڭٸردە ەكٸمدٸكتەرمەن بٸرلەسٸپ, "وتباسى بانك" جەڭٸلدەتٸلگەن يپوتەكا باعدارلاماسىن ٸسكە قوسۋ جوسپارلانىپ وتىر. بٷگٸندە جاستارعا ارنالعان ٶڭٸرلٸك تۇرعىن ٷي باعدارلاماسى ٷش ٶڭٸردە - نۇر-سۇلتان, الماتى, شىمكەنتتە ٸسكە اسىرىلىپ جاتىر. جىل اياعىنا دەيٸن وسىنداي باعدارلامالاردى باسقا ٶڭٸرلەردە دە جٷزەگە اسىرۋ جوسپارلانۋدا", - دەدٸ توعجانوۆ.
ونىڭ ايتۋىنشا, 2019 جىلدان باستاپ جۇمىس ٸستەيتٸن جاستارعا 7000 جالدامالى تۇرعىن ٷي بەرٸلگەن, جۇمىس ٸستەيتٸن جاستارعا 2025 جىلعا دەيٸن 12 مىڭ پەتەر بەرۋ جوسپاردا بار.
"جىل اياعىنا دەيٸن جالدامالى تۇرعىن ٷي بەرۋ ەرەجەسٸنە جاستار ٷشٸن اي سايىنعى تابىستى راستاۋعا قويىلاتىن تالاپتاردى 40 اەك-تەن 25 اەك-كە دەيٸن تٶمەندەتۋ بويىنشا ٶزگەرٸس ەنگٸزٸلەدٸ. بۇل جاستاردىڭ جالعا بەرٸلەتٸن تۇرعىن ٷي الۋ مٷمكٸندٸكتەرٸن ايتارلىقتاي ارتتىرادى. قازٸر "وتباسى بانكٸنٸڭ" جيناق تۇرعىن ٷي دەپوزيتتەرٸندە 25 جاسقا دەيٸنگٸ جاستاردىڭ جالپى سوماسى 250 ميلليارد تەڭگەدەن اساتىن 500 مىڭنان اسا دەپوزيتٸ اشىلعان", - دەپ تولىقتىردى ۆيتسە-پرەمەر.
