Qazaqstanda jastardy qoldaýǵa arnalǵan joba iske qosylmaq. Konkýrstyń jeńimpazdaryna mln teńgeden beriledi, dep habarlaidy “Ult aqparat” BAQ.KZ saityna silteme jasap.
Bul týraly OQK alańynda ótken brifingte Mádeniet jáne aqparat ministrligi Jastar jáne otbasy isteri komitetiniń tóraǵasy Qairat Qambarov málimdedi.
«Zhas Project» maqsaty - jastar arasynda jobalardy iske asyrý boiynsha aqparattyq túsindirý, bilim berý jáne júrgiziletin jumystar arqyly NEET sanatyndaǵy jastar arasynda kásipkerlikti damytý úshin qolaily jaǵdailar jasaý.
Biyl «Zhas project» jobasy elimizdiń 20 óńirinde iske asyrylady. «Zhas project» jobasy sheńberinde NEET sanatynan jergilikti qoǵamdastyqtardyń problemalaryn sheshýge baǵyttalǵan áleýmettik jobalarǵa konkýrstyq negizde 1 000 000 teńgege deiingi somaǵa shaǵyn granttar berý kózdelgen. Bul jerde, men NEET sanatyndaǵy jastar uǵymyna anyqtama bergim keledi. Bul jumyspen qamtý jáne bilim berý salasynan tys, ýaqytsha jumys istemeitin, bilim berý uiymdarynda oqymaityn nemese kásiptik daiarlaýdan, qaita daiarlaýdan ótpeitin jastar, - dedi ol.
Konkýrsqa 18 jastan 35 jasqa deiingi jastar qatysa alady.
Jobaǵa qatysýshylarǵa qoiylatyn talaptar:
- Qazaqstan Respýblikasynyń azamattary;
- 18 ben 35 jas aralyǵyndaǵy jastar (34 jasty qosa alǵanda);
- ótinim berý sátinde óńir aýmaǵynda turaqty nemese ýaqytsha tirkelýi tiis;
- ótinish berýshi ótinim bergen sátte ýaqytsha turaqsyz jastar mártebesinde bolýǵa tiis.
Qairat Qambarov áleýmettik jobalarǵa qoiylatyn talaptarǵa da toqtalyp ótti.
Joba jergilikti qoǵamdastyqtyń áleýmettik máselelerin sheshýge baǵyttalýy tiis jáne 4 aidan aspaityn merzimde iske asyrylýy tiis. Konkýrs sheńberinde Qazaqstan Respýblikasynyń zańnamasyna qaishy keletin jáne onyń ishinde jobany iske asyrý barysynda aqyly qyzmetter kórsetýdi/taýarlardy satýdy kózdeitin kommertsiialyq qyzmetke baǵyttalǵan jobalarǵa; qurylys jumystarynyń nemese ǵimarattardy rekonstrýktsiialaý/qalpyna keltirý jónindegi jumystardyń qandai da bir túrlerin; jergilikti memlekettik organdarǵa, ózge de memlekettik mekemelerge nemese úkimettik emes uiymdarǵa arnalǵan jabdyqtardy satyp alýdy/jalǵa alýdy kózdeitin jobalar, sondai-aq jer ýchaskelerin satyp alýdy/jalǵa alýdy, turǵyn úi satyp alýdy/jalǵa alýdy, avtokólik satyp alýdy aýyl sharýashylyǵy janýarlaryn satyp alýdy kózdeitin jobalarǵa qoldaý kórsetilmeidi, - dep túsindirdi komitet basshysy brifingte.
