Qazaqstanda jasandy intellektiniń ulttyq klasteri qurylady. Bes jyl ishinde osy baǵytqa milliard dollardan astam investitsiia tartý josparlanyp otyr. Bul týraly QR Prezidenti Qasym-Jomart Toqaev «Digital Almaty 2021- Jahandyq ekonomikanyń tsifrlyq bolashaǵy» atty halyqaralyq forýmda aitty, dep habarlaidy QazAqparat.
Prezident negizgi ekpin aqyldy ekojúieni qurýǵa baǵyttalatynyn atap ótti. Onyń múmkindikterine kóptegen salalyq derekti taldaý kiredi. Bul táýekeldi boljaý men aldyn alýdyń tiimdi modelderin qurýǵa múmkindik beredi jáne reformalardyń maksimaldy áserin qamtamasyz etedi.
«Osy maqsatta Dúniejúzilik bankpen birlesip Nazarbaev Ýniversitetiniń bazasynda jasandy intellektiniń ulttyq klasteri qurylady. Aýqymdy aqparatty tiimdi óńdeý úshin derekter ortalyqtary jasaqtalady. Aldaǵy bes jylda biz osy baǵytqa shamamen 500 milliard teńge nemese milliard dollardan astam investitsiia tartýdy josparlap otyrmyz. Árine, biz Odaqtaǵy jáne aimaqtaǵy seriktesterimizdi jan-jaqty yntymaqtastyqqa shaqyramyz», - dedi Memleket basshysy.
