Qazaqstanda jańartylatyn energiia kózderi jobalaryn irikteý boiynsha aýktsiondyq saýda-sattyq 2020 jylǵy 9 qarashada bastaldy, dep habarlaidy "Ult aqparat" Energetika ministrliginiń baspasóz málimetterine silteme jasap.
Aǵymdaǵy jyly aýktsiondar jalpy qýaty 20 MVt bolatyn gidroelektr stantsiialarynyń jobalaryn irikteýden bastaldy. QR EM baspasóz qyzmetiniń habarlaýy boiynsha Aýktsion ótti dep tanyldy.
Aýktsiondyq saýda-sattyqqa qatysýǵa 8 kompaniiaǵa ruqsat etildi, saýda sessiiasyn ótkizý barysynda qatysýshylar 27 baǵa usynystaryn berdi, jobalardyń birlik qýaty 1-den 5 MVt-qa deiin qurady. Berilgen ótinimderdiń jiyntyq kólemi – 23 MVt. 2020 jyly GES jobalaryn irikteý boiynsha aýktsiondyq saýda-sattyq ótkizý kezindegi shekti aýktsiondyq baǵa 15,48 tg/kVts (QQS-syz) qurady.
Saýda sessiiasyn ótkizý barysynda aýktsiondyq saýda-sattyqqa qatysýshylardan alynǵan ótinimderdiń baǵa aýqymy 14,98-den 15,20 tg/kVts (QQS-syz) qurady. Aýktsiondyq saýda-sattyqty ótkizý Qaǵidalarynyń 56-1-tarmaǵyna sáikes aýktsiondyq saýda-sattyqqa eki qatysýshy 13,48 tg/kVtsaǵ (QQS-syz) baǵasy boiynsha oferta qabyldady. Osyǵan bailanysty aýktsiondyq saýda-sattyqtyń baǵa diapazony 13,48-den 15,20 tg/kVtsaǵ (QQS-syz) qurady.
Aýktsiondyq saýda-sattyq qorytyndysy boiynsha mynadai kompaniialar jeńimpaz bolyp anyqtaldy:
- «UBS POWER» JShS (Qazaqstan) jobanyń belgilengen qýaty 1 MVt, aýktsiondyq baǵasy 13,48 tg/kVt*saǵ (QQS-syz). Jobany Shyǵys-Qazaqstan oblysynyń Jarma aýdanyna jaqyn ornalastyrý josparlanýda;
- «Jasyl qýat» JShS (Qazaqstan) jobanyń belgilengen qýaty 2 MVt, aýktsiondyq baǵasy 13,48 tg/kVt*saǵ (QQS-syz). Jobany Túrkistan oblysy Tólebi aýdany Joǵarǵy-Aqsý aýyldyq okrýginiń mańynda ornalastyrý josparlanýda;
- «TAÝENERGO» JShS (Qazaqstan) jobanyń belgilengen qýaty 2 MVt, aýktsiondyq baǵasy 14,98 tg/kVt*saǵ (QQS-syz). Jobany Túrkistan oblysy Tólebi aýdany Kóksai aýyldyq okrýginiń mańynda ornalastyrý josparlanýda;
- «Altyn Esik» Basqarýshy kompaniia» JShS (Qazaqstan) jobanyń belgilengen qýaty 3 MVt, aýktsiondyq baǵasy 14,99 tg/kVt*saǵ (QQS-syz). Jobany Almaty oblysynyń Esik qalasyna jaqyn jerde ornalastyrý josparlanýda;
- «Kóksý-Qýat» JShS (Qazaqstan) jobanyń belgilengen qýaty 4,5 MVt, aýktsiondyq baǵasy 15 tg/kVt*saǵ (QQS-syz). Jobany Almaty oblysy Kóksý aýdany Labasy aýyldyq okrýgine jaqyn ornalastyrý josparlanýda;
- «TAÝENERGO» JShS (Qazaqstan) jobanyń belgilengen qýaty 2 MVt, aýktsiondyq baǵasy 15,01 tg/kVt*saǵ (QQS-syz). Jobany Túrkistan oblysy Tólebi aýdany Kóksai aýyldyq okrýginiń mańynda ornalastyrý josparlanýda;
- «Yntymaq» ÁKK» óndiristik kooperativi (Qazaqstan) jobanyń belgilengen qýaty 1,5 MVt, aýktsiondyq baǵasy 15,02 tg/kVt*saǵ (QQS-syz). Jobany Túrkistan oblysy Qazyǵurt aýdany Kókpaq aýyldyq okrýginiń mańynda ornalastyrý josparlanýda;
- «DALA SOLAR» JShS (Qazaqstan) jobanyń belgilengen qýaty 2 MVt, aýktsiondyq baǵasy 15,03 tg/kVt*saǵ (QQS-syz). Jobany Túrkistan oblysy Kentaý qalasy Maidantal aýyldyq okrýginiń Yntaly (Maidantal) aýylyna jaqyn ornalastyrý josparlanýda;
- «MT i K» JShS (Qazaqstan) jobanyń belgilengen qýaty 5 MVt, aýktsiondyq baǵasy 15,2 tg/kVt*saǵ (QQS-syz). Jobany Almaty oblysy Sarqan aýdany Qarǵaly aýylynyń mańynda ornalastyrý josparlanýda.
Aýktsiondy ótkizý barysynda baqylaýshylar retinde Qazaqstan Respýblikasy Energetika ministrliginiń, «KazEnergy» ZTB, «QEQ» ZTB, Aziia damý bankiniń ókilderi qatysty. Baqylaýshylar aýktsiondyq saýda-sattyqty bekitilgen normativtik quqyqtyq aktilerge sáikes ótkizilgenin atap ótti jáne aýktsiondy uiymdastyrýshy – «KOREM» AQ elektrondyq saýda júiesi jumysynyń ashyqtyǵyn rastady.
Kelesi aýktsion 2020 jylǵy 10 qarashada 15 MVt KES túri boiynsha belgilengen.
