Energetika ministri Nurlan Noǵaevtyń aitýynsha jańartylatyn energiia kózderi nysandarynan óndirilgen elektr energiiasynyń kólemi jyl basynda belgilengen jospardan asyp túsken, dep habarlaidy "Ult aqparat".
«10 aidyń ishinde elimizde 87,1 mlrd kVt saǵat elektr energiiasy óndirildi. Bul kórsetkish osy jyldyń 10 aiynyń josparyna teń – iaǵni 100 %. Elektr energiiasyn óndirý tikelei energiia tutyný kólemine qatysty ekendigin aita ketken jón. Esepti kezeńde iri apattyq jaǵdailar tirkelgen joq. 10 ai ishinde 16 643,4 tonna ýran óndirildi, bul esepti aidyń josparyna 102,7%-na teń», - dedi Nurlan Noǵaev Úkimet otyrysynda.
Onyń aitýynsha osy jyldyń 9 aiynyń qorytyndysy boiynsha jańartylatyn energiia kózderi nysandary óndirgen elektr energiiasynyń kólemi 2,37 mlrd Kvt saǵ qurap otyr. Bul osy jyldyń 9 aiynyń josparynan asyp túsip, iaǵni 101,3 %-dyq kórsetkishke jetken.
