Eńbek jáne halyqty áleýmettik damý ministrligi arnaiy salyq rejimi – biryńǵai jiyntyq tólemin engizbek. Bul týraly eńbek jáne halyqt áleýmettik qorǵaý ministri Mádina Ábilqasymova aitty, dep habarlaidy Sputnik Qazaqstan tilshisi.
Ministrdiń aitýynsha, ózin-ózi jumyspen qamtyp júrgen azamattardy tirkeý sharalaryn jeńildetip, beiresmi jumyspen qamtylǵan xalyqtyń qyzmetin zańdastyrý úshin jańa arnaiy salyq rejimi – biryńǵai jiyntyq tólemi engiziledi.
"Ol tórt tólemdi biriktiredi. Oǵan jeke tabys salyǵy, mindetti zeinetaqy jarnasy, mindetti meditsinalyq jáne áleýmettik saqtandyrý jarnalary kiredi. Biryńǵai jiyntyq tólemi avtomatty túrde qyzmetti tirkeýdi, meditsinalyq jáne áleýmettik saqtandyrý, zeinetaqy júiesine qatysýdy bildiredi. Biryńǵai jiyntyq tólemi, eń birinshi, jeke tulǵalarǵa qyzmet kórsetetin basqa jeke tulǵalarǵa, qosalqy sharýashylyqqa, úi jumyskerlerine, saýda nysandarynda arnaiy oryndary joq jeke tulǵalarǵa arnalyp otyr. Sondai-aq, bul tólem jaldamaly jumys kúshin qoldanbaityndarǵa baǵyttalady. Jańa salyq rejimi jeńildetilgen jáne patent rejimderimen qatar jumys isteitin bolady", — dedi Ábilqasymova úkimet otyrysynda.
